Charter Document - 04060128
| Charter Number: | 04060128 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1277 |
| Date type: | Internal, A.D., Calendar, Papal, Regnal |
| Resource Link(s): |
Monasterium.net |
Charter:
Rvomo dei gratia abbas totusque conventus monasterii sancti Galli universis presentium inspectoribus salutem et notitiam subscriptorum Cum dilectus noster Rvodolfus miles monasterii nostri ministerialis predium suum situm in Lancwatvn dilectis in Christo [] priorisse et conventui sororum an dem Brvole apud sanctum Gallum pro nonaginta marcis argenti vendidisset nobis humiliter supplicavit ut eidem venditioni nostrum ad hoc oportunum adhibere vellemus assensum Nos itaque attendentes eiusdem conventus devotionem et paupertatem ac iam dicti Rvodolfi obsequium et supplicationis instantiam in favorem etiam religionis dicti conventus prescripte venditioni nostrum adhibuimus assensum receptaque primitus ad manus nostras resignatione eiusdem predii facta per militem prenotatum et dominam Wilbirgim uxorem suam cui idem predium legatum fuerat ac etiam per Rvodolfum et Rvodolfum tunc clericos itemque Rvodolfum et Egilolfum laicos filios eorundem ipsum predium cum duobus mancipiis Eberhardo videlicet et Heinrico dictis Merbotten ac aliis attinentiis ipsius predii universis concessimus [] priorisse et conventui memoratis sub annuo censu duarum librarum cere custodi monasterii nostri singulis annis in festo beati Galli persolvendo perpetuo possidendum Et ut premissis debite firmitatis robur accedat presens scriptum sigillorum nostrorum [] abbatis scilicet et conventus fecimus munimine roborari appenso nichilominus sigillo Rvodolfi militis memorati Actum et datum apud sanctum Gallum anno domini MCCLXXVII non iunii indict V pontificatus domini Johannis pape XXI anno primo regni vero gloriosi domini Rvodolfi Romanorum regis anno quarto presentibus testibus infra scriptis venerabili domino Alberto abbate Augiensi Cvonr de Stoephiln canonico Argentinensi Walt de sancto Gallo canonico ecclesie Constantiensis Wal de Kilchein canonico ecclesie sancti Stephani Constantiensis magistro Johanne rectore scolarum nostrarum item Ber nobili de Valkinstein Eber de Bichilnse dapifero Cvonr de Svlzberg Her de Lannenberg seniore Johanne de Lvtirberg Heinr et Bur de Wartense fratribus et Vol de Vtwiler militibus item Rvodol ministro Johanne Dispensatore Johanne dicto Chvchimaister Volr Impletore Volr Lestino Johanne Ovgilino burgensibus sancti Galli et aliis quam pluribus