Charter Document - 04060127
| Charter Number: | 04060127 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1277 |
| Date type: | Internal, A.D., Calendar |
| Resource Link(s): |
Monasterium.net |
Charter:
Rvomo dei gratia abbas monasterii sancti Galli totusque conventus ibidem honorandis in Christo magistro H officiali vicem gerenti venerabilis patris et domini Constantiensis ecclesie episcopi H preposito Wal decano totique capitulo eiusdem ecclesie paratam ad quevis beneplacita voluntatem Ad vestram noticiam tenore presentium volumus pervenire quod cum Hainr de Sanwelzhoven dilecto in Christo Hainr dicto Zwich prebendario altaris sancti Petri in ecclesia vestra medietatem curie in Ennehoven quam a monasterio nostro tenebat in feodum pro certa summa pecunie vendiderit nos ut eadem venditio rite procedat de unanimi consensu nostro concedimus et permittimus ut idem H de Sanwelzhoven medietatem curie in Ennehoven ecclesie vestre prebendario memorato vendite quam ab ecclesia nostra tenebat in feodum in recompensationem medietatis curie sue quam ab ecclesia vestra tenebat in feodum Sanwelzhoven videlicet que vulgo dicitur magerhof conferat et assignet Nosque proprietatem eiusdem medietatis vobis et ecclesie conferimus et donamus cum et vos proprietatem medietatis supradicte curi Sanwelzhoven monasterio nostro contuleritis sicut in instrumento super hoc confecto plenius continetur In cuius rei testimonium et robur debite firmitatis presentes litteras conscribi fecimus ac sigillorum nostri nostrique conventus robore communiri Dat apud sanctum Gallum anno domini MCCLXXVII kl iul indit Va