Charter Document - 04060126
| Charter Number: | 04060126 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1277 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine domini amen Universis Christi fidelibus hanc paginam inspecturis Rvom dei gratia abbas totusque conventus monasterii sancti Galli fidem adhibere subscriptis Noverint universi quos nosce fuerit oportunum quod cum venerabiles in Christo abbatissa et conventus monasterii in Veltpach curiam dictam Tivschain quam a nobis et nostro monasterio pro annuo censu videlicet dimidio fertone cere possederant illuc usque ad manus nostras libere resignassent nos ipsis ac monasterio earundem recompensationem quantulamcumque facere cupientes pratum quoddam situm apud Hermoltshvsen quod eedem ab Eberhardo dicto Snabel pro duabus libris et quinque solidis Constantiensis monete compararunt qui dictum pratum a nobili viro Volrico dicto von der Altvn Clingen iure tenuerat feodali cuius proprietas nostro monasterio noscitur pertinere post resignationes debitas ad man[us] nostras rationabiliter factas sub predicto censu ipsis et monasterio earundem prefatum pratum tradidimus presentibus et dona[vimus] libere et quiete iure perpetuo possidendum In cuius rei testimonium presentem litteram conscriptam fecimus sigillorum nostr[i et] conventus ac predicti Vol nobilis munimine roborari renuntiantes nomine monasterii nostri omni iuris auxilio ne[c]non generaliter omnibus per que posset predictis abbatisse et conventui super premissis calumpnia generari Acta sun[t] hec apud Sandegge anno domini MCCLXXVII indictione Va X kl septemb coram testibus subnotatis vide[licet] domino Alberto abbate Avgensi Bertoldo nobili de Valchenstain Eberhardo de Bichelnse Rvodolfo et Egelolfo fratribus de Roschach Bvrchardo de Salvstain et aliis quam pluribus probis viris