Charter Document - 04060125
| Charter Number: | 04060125 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1277 |
| Date type: | Internal, A.D. |
| Resource Link(s): |
Monasterium.net |
Charter:
Reverendo domino suo Providentia dei abbati monasterii sancti Galli Fridericus comes de Zolre debitam reverentiam cum promptitudine serviendi Decimas tam maiores quam minores sitas in Denkingen quas retroactis temporibus a vobis et a vestro monasterio nomine feudali tenuimus et possedimus manibus nostris per prasentes duximus libere resignandas Quas quidem decimas B miles dictus Hagenich nomine nostro in feudo tenuit qui quidem eas nobis voluntarius et libere resignavit Hanc super quo dilectionem vestram que se semper nobis gratiosam exhibuit omni qua possumus precum instantia attentius exoramus quatenus dictas decimas in comendationem et fratres sacre domus hospitalis Hierosolimitami domus in Rottweil pure propter deum titulo donationis seu emphyteusis dignemini transferre quod apud nos in perpetuum studebimus promereri In cuius rei evidentiam prsesentes sigilli nostri munimine roboravimus Data anno domini MCCLXXVII quinto idus augusti