Charter Document - 04060121
| Charter Number: | 04060121 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1277 |
| Date type: | Internal, Calendar, Papal |
| Resource Link(s): |
Monasterium.net |
Charter:
Johannes + episcopus servus servorum dei dilecto filio [] abbati monasterii sancti Galli ordinis sancti Benedicti Constantiensis diocesis salutem et apostolicam benedictionem Indempnitati tue ac monasterii tui paterna volentes sollicitudine precavere auctoritate tibi presentium indulgemus ut non tenearis ad solutionem aliquorum debitorum per predecessores tuos ipsius monasterii nomine contractorum nisi ea in utilitatem dicti monasterii fuisse conversa legitime probaverint creditores non obstantibus renuntiationibus confessionibus obligationibus iuramentis penarum adiectione instrumentis et litteris quibuscumque contractuum tempore interiectis nisi confessiones ipse aliis legitimis amminiculis adiuventur Nulli ergo omnino hominum liceat hanc paginam nostre concessionis infringere vel ei ausu temerario contraire Siquis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Dat Viterbii id martii pontificatus nostri anno primo