Charter Document - 04060112
| Charter Number: | 04060112 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1276 |
| Date type: | Internal, A.D. |
| Resource Link(s): |
Monasterium.net |
Charter:
Heinricus prapositus Walterus decanus totumque capitulum ecclesie Constantiensis omnibus Christi fidelibus presentium inspectoribus habere notitiam subscriptorum cum salute Presentes noverint et futuri quod cum reverende in Christo [] abbatissa et conventus de Maggenowe predium situm in inferiori Nuuron dictum in obern Hoffe emptionis titulo nobis tradiderint et donarint pleno iure et prestare debeant werandiam de eodem nos ipsis prout per providos et fidedignos videlicet Berchtoldum vicarium in Nuuron Hainricum cellerarium seniorem et Walterum filium suum ordinatum extitit et conventum hinc inde de partium voluntate schoposam in Vare cum quibusdam agris circa tria iugera et prato ibidem sito quorum proprietas nobis liberaliter pertinebat in recompensam dedimus superaddentes quatuor marcas argenti renuntiantes omni iuri canonico et civili consuetudini pactis privilegiis necnon omni defensioni et actioni per que vel occasione quorum prefatus contractus impugnari posset nunc vel in posterum quo prefate [] abbatissa et conventus prenominatas possessiones minus quiete et pacifice possiderent In cuius facti testimonium presentem cedulam prenotatis [] abbatisse et conventui dedimus sigillo nostri capituli consignatam Acta sunt hec apud Nuuron in stupa plebani anno domini MCCLXXVI IIII idus ianuarii indict IIII