Charter Document - 04060102
| Charter Number: | 04060102 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1275 |
| Date type: | Internal, A.D., Calendar |
| Resource Link(s): |
Monasterium.net |
Charter:
R dei gratia abbas H de Wartinberc Fridericus de Gvndilvingin H et Ber de Ramstein monachi monasterii sancti Galli viro discreto Johanni Ocello de sancto Gallo salutem et omne bonum Divine retributionis intuitu et precum tuarum optentu permittimus et assensum prebemus ut tu decimas tuas in Nochilnhuse et am Kapfe sub Rotundo monte sitas quas a nostro monasterio tenes in feudum hospitali sancti Spiritus in sancto Gallo vendere valeas et donare sub prestatione census annui dimidie libre cere in festo sancti Galli nostro monasterio persolvende promittentes tibi quod cum primum discordia que pro abbatia monasterii nostri predicti adhuc vertitur cessaverit domino concedente litteras conventus nostri eidem hospitali super collatione prenominatarum decimarum assignari confectas modo debito et legitimo faciemus In cuius rei testimonium presens scriptum sigilli nostri robore fecimus communiri Datum anno domini MCCLXXV V kl septembr indict III