Charter Document - 04060099
| Charter Number: | 04060099 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1275 |
| Date type: | Internal, A.D., Feast |
| Resource Link(s): |
Monasterium.net |
Charter:
Volricus dei gratia abbas sancti Galli universis presentium inspectoribus salutem et noticiam subscriptorum Cum dilectus noster Rvodolfus miles de Rorschach ministerialis monasterii nostri predium situm in Lanchwattun priorisse et conventui an dem Brvole apud sanctum Gallum vendiderit pleno proprietatis iure sicut et ipse possidebat et a nobis humiliter petiverit ut eidem venditioni preberemus assensum nos attendentes eiusdem conventus devotionem et paupertatem necnon petitionem militis prenotati ob favorem religionis dicti conventus prescripte venditioni facte pro nonaginta quinque marcis puri et legalis argenti ponderis Constantiensis pium prebemus assensum ita videlicet ut in signum meri dominii annuatim in festo beati Galli eadem priorissa et conventus duas libras cere custodi nostri monasterii qui protempore fuerit sine contradictione persolvat Datum et actum apud sanctum Gallum presentibus quorum hec sunt nomina Walth sacerdos plebanus de Swarcenberch magister Andreas de Willeberg Heinricus sacerdos viceplebanus de Rorschach Otto de Ainwile clerici Rvodolfus Marscalcus miles Heinricus et Rvodolfus fratres dicti Meldelin Gerwigus Pauwarus Heinricus dictus Wipfe Jacobus Plarrer et Heinricus frater suus Hugo et Cristanus fratres dicti Voelin cives oppidi sancti Galli et alii quam plures fide digni anno domini millesimo ducentesimo septuagesimo quinto crastino circumcisionis indictione tercia Et ut hec firma et illibata permaneant presens instrumentum sigillis nostro et conventus de rogatu partium fecimus roborari