Charter Document - 04060093

Universis presens scriptum intuentibus Willemus de Tokenburch canonicus Basiliensis noticiam subscriptorum Ab humana cicius elabuntur memoria que nec scripto nec voce testium perennantur Noverint igitur presentium inspectores quod orta lite inter me ex una et commendatorem et fratres sancti Johannis Jerosolimitani domus in Tobein ex parte altera super iure patronatus et advocatie ecclesie in Affoltrangen seu curti eidem ecclesie adiacenti amicabiliter prorsus est sopita coram venerabili fratre H de Bochsperc summo preceptori fratrum hospitalis sancti Johannis in tota Alamania videlicet in hunc modum quod ego Will predictos fratres in possessionem memorate ecclesie restitui promittens bona fide sine dolo et perpera prestito iuramento manuali quod in predicta ecclesia et rebus eiusdem seu aliis possessionibus eorundem nec non tocius ordinis usque ad hanc diem in notoria prescriptione habitis et possessis intus et foris in nullo debeam aliquatinus perturbare seu molestare sive per modum spolii vel per modum commutationis supradicte ecclesie sive aliqua iactura nisi iusta actione et debita causa proposita et rigore iuris observato Et ne super premissis in posterum valeat suboriri materia questionis presens scriptum predictis commendatori et fratribus contuli sigillorum venerabilis patris et domini mei Constantiensis electi et mei robore communitas Acta sunt hec apud Bvobinkon presentibus honorabilibus viris Arnoldo decano in Raprechswile fratre H commendatore in Tobel et F de Stopheln et H de Hermotsheim commendatoribus in Bvobinkon et in Honrein Rvodolfo priori in Bvobinko H de Adorf et Burch de Vriesenberc sacerdotibus in Bvobinkon R milite de Glatburch Livtoldo milite dicto Omo Wezzel milite de Strutholz et aliis quam pluribus anno domini MCCLXXV indict V XVII kl april