Charter Document - 04060092
| Charter Number: | 04060092 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1274 |
| Date type: | Internal, A.D., Calendar |
| Resource Link(s): |
Monasterium.net |
Charter:
Chonradus dei gratia abbas et conventus monasterii Fabariensis ordinis sancti Benedicti Curiensis dyocesis universis Christi fidelibus presentium inspectoribus noticiam subscriptorum Acta hominum solent testimonio eternari litterarum ne per longiquitatem temporis de facili ab hominum memoria evanescant Quare noscat tam presens etas quam sequens posteritas quod nos unanimi consilio et consensu tractatu speciali prehabito possessiones illorum bonorum sitas in Bvschilk nobis solventes denarios dictos in vulgari schirmpheninch et possessiones Wernheri dicti Ecchol sitas in Staphill vendidimus hospitali domus pauperum in Rapraswilar pro XI marcis argenti hiis articulis sub conditione adiectis videlicet quod idem hospitale et sui procuratores singulis annis in vigilia assumptionis beate Marie in camera abbatis Fabariensis mediam libram cere una cum illa media libra quam nobis ex bonis domini Antonii antea dedit consignare tenetur et magistro Henrico de Wetigis pro tenpore vite sue solitum censum spectantem ad cameram dominorum expediat Item adiectum est quod memoratum hospitale possessiones [] Helbilinch necnon [] Hazzinch libere et absolute ipsis remittat nec eos molestet attamen si possit de voluntate eorum aliquo casu acquirere habeat et teneat Pretermittendum quoque non est quin etiam nobis plenum et totum ius patronatus ecclesie Buschilk reservamus et reservavimus Appositum est etiam si casu alicuius destructionis sepefatum hospitale ad nichilum devenerit omnes possessiones ad nostrum monasterium primitus spectantes ad ipsum libere et absolute omni contradictione seu conditione remota revolventur In horum itaque evidentiam et maioris certitudinis firmitatem ne hinc vel inde aliqua altercatio occasione alicuius facti vel aminiculo alicuius iuris exoriatur duo paria litterarum sunt conscripta et sigillo reverendi domini [] abbatis Heremitarum necnon sigillis nostris sunt roborata unum par antedicto hospitali consignavimus reliquum nobis observavimus Actum in Castro Wartenstein anno domini MCCLXXV tercio kald ianuarii indict tercia Hermanno plebano in Vazs magistro Vol de Walde Conr milite dicto Streiphar et fratre suo Ottone Rvod ministro in Walastade Henr de Wolfuurt Nicolao de Puigis et aliis quam pluribus et fide dignis presentibus