Charter Document - 04060090
| Charter Number: | 04060090 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Surrender |
| Date: | 1274 |
| Date type: | Internal, A.D. |
| Resource Link(s): |
Monasterium.net |
Charter:
Noverint universi presentem paginam inspecturi quod cum ego Volricus de Ramswag miles venerabiles in Christo [] abbatissam et conventum monasterii de Maggenovwe Cistertiensis ordinis impete rem questionem eis movendo pro curia in Wiler et scopoza in Zukinrieth quas bone memorie Cvon quondam pater meus iure proprietatis ad se pertinentes eidem monasterio vendidit asserens ipsam venditionem stare non debere cum facta fuerit me non consulto nec aliquatenus consentiente maxime cum tempore venditionis predicte fuerim etatis legitime utpote iam tunc militie cingulum assecutus Cui impetitioni tandem divine retributionis intuitu cessi et renuntiavi omnino voluntarie et expresse in ipsam venditionem consentiendo ac renuntiando ex nunc omni iuri quod in curti et scopoza prenominatis unquam habui et insuper omnibus actionibus aut questionibus que michi contra monasterium prefatum occasione ipsius venditionis aliquatenus competebant In cuius facti testimonium presentem paginam sigilli mei munimine roboravi Act Maggenovwe anno domini MCCLXXIIII II idus maii presentibus R Gielone Bur de Einwiler et R de Lindinberc militibus item H de Nidirndorf C dicto Miler Cristano ministro meo et Berngero de Lannenberc item C et Burch dictis Gielo H B C de Niderndorf et C seniore fratribus eiusdem monasterii