Charter Document - 04060089
| Charter Number: | 04060089 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1274 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rudolphvs dei gracia Romanorum rex semper augustus Tenore presentium protestamur et publice profitemur quod nos ad instar inclite recordationis divi augusti quondam Friderici imperatoris Romanorum future utilitati nostre et sacri imperii providere volentes promittimus quod curiam homines et universa bona cum foresto de Kriechseron semper in nostris manibus retinebimus nec per vendicionem vel obligationem aut infeodationem vel alio modo aliquo ea alienabimus sed in antiquo et consueto iure ipsa curabimus observare Ad huius itaque rei memoriam sempiternam presentes litteras exinde conscribi iussimus et maiestatis nostre sigillo iussimus communiri Datum Hagenog anno dominice incarnationis MCCLXX quarto quartodecimo kalend augusti indiccione secunda regni vero nostri anno primo