Charter Document - 04060073

E dei gratia Constantiensis episcopus omnibus presentium inspectoribus salutem cum noticia subscriptorum Scire cupimus universos quod cum nos castrum de Bongarthen cum universis hominibus possessionibus agris cultis incultis pascuis nemoribus molendinis pischinis iuribus ac aliis apendiciis quocumque nomine censeantur nomine ecclesie nostre ac monasterii sancti Galli ab Vol quondam milite de Bodeme comparaverimus ac ipsius castri et eidem actinentium tantummodo ab ipso venditore nobis et ecclesie nostre facta sit traditio nos secundum divisionem predictorum bonorum inter nos et dominum abbatem sancti Galli celebratam ipsi nomine monasterii sui medietatem ipsorum bonorum que ei in divisione obvenit tradimus et assignamus eo iure quo accepimus libere possidendam promittentes invicem nomine ecclesiarum nostrarum si de alterutrius portione quicquam in iure fuerit evictum id alter eidem teneatur proportionaliter resarcire Quod si per amicabilem composicionem alterutrum quicquam alicui impetenti aliquam partem eorundem bonorum dare contingerit eius dampni medietatem alter exsolvere debebit In cuius rei testimonium presentes litteras sigillis nostro nostrique capituli necnon predicti domini abbatis et conventus sancti Galli duximus consignandas Dat Constantie anno domini MCCLXXII VI idus febr