Charter Document - 04060072
| Charter Number: | 04060072 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Surrender |
| Date: | 1272 |
| Date type: | Internal, A.D., Calendar |
| Resource Link(s): |
Monasterium.net |
Charter:
Noverint universi presentem paginam inspecturi quod cum Eberhardus et Heinricus fratres dicti Stukki et Mehthildis uxor dicti Eber se tradidissent monasterio de Tennikon de licentia venerabilis domini Ber dei gratia abbatis monasterii sancti Galli cuius servi erant pertinentes in curiam ville de Turbatun et Eber cum uxore sua habitum religionis assumpsisset Heinrico ipsum habitum pre debilitate corporis assumere non valente ac sic in habitu seculari inter familiares prefati monasterii conversante aliquandiu tandemque moriente dominus Waltherus de Lantsberg villicus prenominate ville de Turbatun mortuarium de iamdicto H a monasterio ipso cum instantia exigebat Super qua exactione cum inter militem et monasterium supradictos questionis materia fuisset diutius agitata tandem inter eos amicabiliter conventum extitit in hunc modum quod videlicet antedictus miles recepta a monasterio prefato certa pecunie quantitate renuntiavit voluntarie et expresse pro se et heredibus suis omni actioni et impetitioni que sibi contra monasterium sepe dictum occasione premissa competere videretur in presenti vel iposterum aliquo casucompetere posset de facto vel de iure In cuius rei testimonium idem Waltherus presentem cartam sigilli sui robore communivit Act in monasterio Tennikon anno domini MCCLXXII IIII kl aprilis indict XV presentibus viris religiosis domino [] abbate de Capeila et confratre suo [] dicto de Crenking[en] item Eber dapifero de Bichilnse Conrado de Eppinberg Wer de Swarzinstein militibus Heinr de Tussenanc Johanne de Mulheim et aliis quibusdam