Charter Document - 04060066
| Charter Number: | 04060066 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1271 |
| Date type: | Internal, A.D. |
| Resource Link(s): |
Monasterium.net |
Charter:
Omnibus presens scriptum intuentibus Fridericus comes iunior de Toggenburg salutem et noticiam subscriptorum Frater meus Diethelmus ad instantiam Dietrici militis de Munchwiler resignantis ad manus suas advocatiam in Diessinbach quam a nobis tenebat in feudo contulit et donavit eam monasterio de Maggenowe libere pertinendam sicut in literis super hoc comfectis et sigillatis sigillo dicti fratris mei continetur expresse Ego etiam ad supplicationem memorati Dietrici de Munchwiler ipsam advocatiam ab eo recipiens dono eam et assigno prefato monasterio de Maggenowe sicut et frater meus fecit perpetuo attinendam In cuius facti evidentiam et robur firmitatis valide presentem cartam feci sigilli mei robore communiri Act Wile in domo H dicti Hunzikover anno domini MCCLXXI IIII idus iulii die dominico XIIII indict Romana sede vacante presentibus Friderico patruo meo comite de Toggenburg Eber dapifero de Bichilnse fratre Bertoldo dicto Blaser