Charter Document - 04060059
| Charter Number: | 04060059 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1270 |
| Date type: | Internal, A.D., Calendar |
| Resource Link(s): |
Monasterium.net |
Charter:
Omnibus presentem cartam intuentibus innotescat quod cum ego Eber dapifer de Bichilnse donare deberem monasterio de Tennikon unum mansum situm in villa Tennikon pertinentem ad monasterium sancti Galli quem ego a [] comite de Raprehtswiler et ipse comes a dicto monasterio sancti Galli tenemus in feudum et hoc rite perficere non possem donec dictus comes annos pubertatis attigisset promisi abbatisse et conventui monasterii prefati de Tennikon me fideliter astringendo quod infra duos menses postquam comes prenominatus pubes factus fuerit procurabo cum effectu prenotatum mansum in Tennikon memorato monasterio iusta et legitima donatione assignari alioquin fideiussores mei quos super hoc dedi videlicet Waltherus de Lantsberg Burch et Conradus de Einwiler fratres milites item H de Griessinberg C de Glotun et Rudolfus de Heinrichsberg moniti ex tunc ab abbatissa et conventu suprascriptis se recipient in obstagium apud Wile infra octo dies more obsidum consueto donec perducam ad debitum effectum quod promisi Et si contingeret me decedere ante completam donationem prenotatam Waltherus de Lantsberg patruelis meus tutor futurus filii mei id ipsum tenebitur consummare debito modo sicut fideliter se astrinxit Act Wile anno domini MCCLXXV kl febr indict XIII Presentibus fratre [] dicto de Celle monacho monasterii de Capella fratre H converso de Tennikon Walthero de sancta Fide item nobili viro [] dicto Salzman de Wunninberg Alberto de Griessinberg R de Toze et aliis multis In premissorum omnium evidentiam et certitudinem presens scriptum sigillo domini mei abbatis sancti Galli W de Lantsberg et meo obtinui roborari