Charter Document - 04060055
| Charter Number: | 04060055 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 |
| Date type: | Internal, A.D., Calendar |
| Resource Link(s): |
Monasterium.net |
Charter:
Universis Christi fidelibus presentes litteras inspecturis seu audituris Fr Wil seniores necnon Diethelmus Fr iuniores comites dicti de Toggenburg salutem et noticiam subscriptorum Evanescunt simul cum tempore que geruntur in tempore nisi a voce testium aut scripti memoria recipiant firmamentum Expedit igitur stili testimonio negocia perennari ut in posterum auferatur omnis occasio litigandi Noverint igitur presentes ac posteri quod Eberhardus dictus de Hvlfhtegge pio loco monasterio in Vizhinon et personis ibidem divinis mancipatis obsequiis possessionem suam seu bonum suum vulgari vocabulo nuncupatum Nideren Hvlfhtegge cum omni iure agris et pratis tenendum ac pacifice possidendum pro XXX una libris monete Constantiensis vendidit absolute cuius proprietas nobis communiter et singulariter pertinebat Nos igitur moti zelo pietatis indempnitati monasterii memorati providendo ius proprietatis eidem pleno iure donavimus et contradidimus perpetue possidendum Ut autem hec in posterum non queant alicuius calumpnia perturbari in testimonium plene securitatis memorato monasterio presentem paginam sigillorum nostrorum munimine concessimus roboratam Testes sunt hii qui cum hec fierent astiterunt dominus Al de Griezenberg dictus Salifex de Wennenberg dominus de Tosse dominus C de Gloton dominus de Ezhince milites dominus capellanus de Wila E de Selv H de Hvncinchon C dictus Waldegger Fr von der Hinswendi Datum et actum apud Wilam anno domini MCCLXXXVI kl marcii