Charter Document - 04060054
| Charter Number: | 04060054 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1270 |
| Date type: | Internal, A.D. |
| Resource Link(s): |
Monasterium.net |
Charter:
Universis Christi fidelibus presentem paginam inspecturis E humilis abbatissa totusque conventus monasterii de Paradyso Constantiensis dyocesis noticiam subscriptorum Conservatur res gesta facilius in suo robore si scripti memorie commendatur Noverint igitur quos nosse fuerit opportunum quod nos de unanimi consilio et consensu domum nostram lapideam et aream sitam in Turego in loco qui dicitur Vfendorf quam Vol quondam dictus Rethih civis Turicensis a monasterio Turicensi iure hereditario possidebat de qua etiam domo et area predicto monasterio duo denarii singulis annis persolvuntur cum quadam superficie eidem domo et area contiguam sitam in fundo seu area honorabilium in Christo [] abbatisse et conventus monasterii in Seldino reverendis in Christo [] abbatisse et conventui monasterii in Wurmispah ordinis Cysterciensis vendidimus pro novem marcis argenti ponderis Turicensis quas nos recepisse et in usum ecclesie nostre conversas presentibus confitemur renunciantes presentibus et resignantes dictam domum in manus venerabilis in Christo [] dei gratia abbatisse Turicensis ad cuius monasterium dicta domus pertinet eo iure quod vulgo erbe appellatur ea condicione ut dictis abbatisse et conventui de Wurmispah eandem domum tradere debeat et liberaliter assignare Renunciamus igitur omni iuri tam canonico quam civili constitutioni edite vel edende restitutioni in integrum iure minoris seu quacumque alia exceptione nobis aut nostris successoribus in prefatis area domo et superficie competenti per quam donatio huiusmodi in posterum posset inpediri aut etiam irritari Et ut hec venditio bona fide et utiliter partibus nunc contracta nullo unquam possit tempore retractari vel aliqualiter infringi predictis [] abbatisse et conventui de Wurmispah hanc cartam tradimus sigillis reverendi domini H prepositi Turicensis et nostro videlicet abbatisse de Paradyso quo et nos eiusdem monasterii conventus utimur munimine consignitam Testes qui hiis interfuerunt sunt H prepositus Turicensis H dyaconus rector ecclesie in Sentinhart Jo rector ecclesie in Swenningen Jo dyaconus dictus Abdorf frater H de Velt [] procurator nostri monasterii Jo de Basilea L Fvschi et C pellifex dictus Abdorf et alii quam plures Acta sunt hec anno domini MCCLXXVIII idus febr indict XIII