Charter Document - 04060049
| Charter Number: | 04060049 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1269 |
| Date type: | Internal, A.D., Calendar |
| Resource Link(s): |
Monasterium.net |
Charter:
Omnibus presentem paginam inspecturis innotescat quod nos Ber dei gratia sancti Galli abbas attendentes grata servitia que nobilis vir L dominus de Reginsberg nobis et ecclesie nostre frequenter impendit sibi in Stipendium dotis filie sue quam Alberto de Griessinberg consanguineo nostro maritavit XL marcas argenti de consensu conventus monasterii nostri duximus largiendas Pro quibus utique marcis eidem Al XL modios tritici mensure oppidi nostri de Wile titulo pignoris obligamus in curiis nostris Tunretun et Altorf annuatim percipiendos donec ipsa pecunia fuerit persoluta In cuius obligationis certitudinem presentem cartam nostro et conventus nostri sigillis fecimus communiri Dat apud sanctum Gallum anno domini MCCLXVIIII II kl decembr indict XIII Romana sede vacante