Charter Document - 04060045
| Charter Number: | 04060045 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Surrender |
| Date: | 1269 |
| Date type: | Internal, A.D. |
| Resource Link(s): |
Monasterium.net |
Charter:
Viro discreto et strennuo Gotfrido seniori de Stophen militi C de Heidegge miles et Johannes filius suus amoris sinceritatem cum salute Obligationem curtis in Warenbach quam ego predictus C pro dote mihi promissa cum sorore vestra hactenus habui item ius feodale eiusdem curtis prout a vobis ego Johannes filius sororis vestre tenebam libere cum omni iure pignora titio vel feodali per presentes vobis sine diminutione qualibet resignamus petentes ut et vos omne ius vobis competens ex successione paterna in manus dominorum nostrorum nobilium virorum Waltheri de Eschibach militis et Johannis de Snabelburg consortis sui in prescripto feodo libere resignetis et absolute Item et ego Elisabeth coniunx C militis prescripti ius si quod mihi competebat in curte prenominata eo quod pro dote mihi data marito meo fuerit obligata libere resigno cedens omni iuri quod mihi in eisdem bonis ratione dotis mee prescripte competere videbatur maxime cum pro repositione ipsius dotis a marito meo sufficientem receperim cautionem Et ad premissorum evidentiam presentes vobis tradimus sigillo meo C dicti de Heidegge conmunitas quia eodem nos duo Elisabeth et Jo prescripti sigilla propria non habentes contenti sumus sigillo Dat in villa Stovphen anno domini MCCLXIX inditione decima tercia