Charter Document - 04060044
| Charter Number: | 04060044 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1269 |
| Date type: | Internal, A.D. |
| Resource Link(s): |
Monasterium.net |
Charter:
Nobilibus viris dominis suis spetialibus ac dilectis dominis Walthero de Eschibach et Jo de Snabelburg Gotfridus de Stovphen senior miles filius quondam Wernheri militis eiusdem loci ministerialis C comitis de Friburcg fidelitatem et reverentiam debitam cum promptitudine obsequendi Cum pater meus curiam sitam in Warenbach quam a vobis in feodum teneo cum omnibus suis iuribus et attinentiis tytulo pignoris discreto viro C de Heidegge militi marito sororis mee pro LXX marcis argenti obligaverit quas eidem in dotem dedit et idem C petiverit a me ut feodum predictum cum omni iure vobis resignarem volens per venditionem alias sibi de eodem feodo consulere ego sue et filiorum suorum dilectionis intuitu per presentes dictam curiam in Warinbach cum iure patronatus eidem attinente et omnibus iuribus specialiter et generaliter ad eandem curiam spectantibus ad manus vestre benignitatis resigno libere et absolute et etiam alias manualiter resignavi nullo iure mihi in eodem feodo vel meis successoribus retinendo scientes quod dictum feodum in divisione hereditatis pateme libere mihi soli cessit Quare peto ut dictam cessionem a me libere recipiatis maxime cum idem feodum vobis compensaverim per duas curtes meas sitas in villa Eschbach Et ad premissorum uberiorem evidentiam et cautelam presentes vobis transmitto mei sigilli munimine roboratas Datum et actum in villa Stovphen apud ripam vobis domine Wal de Eschibach recipiente resignationem predictam nomine vestro et consortis vestri in eodem feodo Jo de Snabelburg prelibati Anno domini MCCLXIX inditione XIII presentibus fratre meo Wernhero et patruele meo Gotfrido Vol nobili de Eichstat Martino de Randegge militibus et aliis quam pluribus fide dignis