Charter Document - 04060043
| Charter Number: | 04060043 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1269 |
| Date type: | Internal, A.D., Calendar |
| Resource Link(s): |
Monasterium.net |
Charter:
Universis hanc paginam inspecturis Burkardus et Bertholdus fratres de Kiselegge fidem adhibere subscriptis Noverint universi quod cum nos ad peticionem Hainrici de Burgberg filii sororis nostre in lecto egritudinis constituto ob remedium anime sue promiserimus reverendis in Christo Eberhardo abbati et conventui monasterii de Salem possessiones ad summam redditus quatuor librarum usualis monete tradere et traditas assignare nos ut predicta donatio seu tradicio firmitatis robur posset obtinere cum a reverendo domino abbate sancti Galli cuius sumus ministeriales humiliter a nobis exquisito fuerit denegatum nec concessum ut possessiones nostras in Hivndelwang videlicet curiam dietam vnder der Aiche que solvere debet duas libras minus uno so Udo et curiam dietam Liupolts sua que solvere debet XV solidos et curiam Hainrici Nigri que solvere debet XVII solidos et VI denarios et curiam Hainrici superius in villa que solvere debet VII solidos et possessiones dictas in der Bivnde que solvere debent III solidos que iure proprietatis ad nos spectabant per manus suas secundum quod moris est possemus contradere ipsas possessiones contulimus et tradidimus Hainrico dicto de Luterach filio nostre sororis qui et ipsas contulit domno Volkmaro de Kemnat quod et facere poterat eo quod pro media parte uterque fuerat eiusdem condicionis Sane idem domnus de Kemnat pro parte existens ministerialis ecclesie Augustensis et pro parte ministerialis inperii ipsas possessiones libere possessas accedente consensu et voluntate reverendi in Christo patris domini Hainrici dei gratia Augustensis episcopi transtulit in monasterium de Salem sepe dictum libere donando ac conferendo pacifice perpetuo possidendas Acta sunt hec in prato apud Immendorf anno domini MCCLXIX XV kal octobr subnotatis testibus presentibus et rogatis videlicet nobilibus viris Rudolfo comite de Monte Forti Berhtoldo de Druhburg Marquardo de Kemnat Berhtoldo dapifero de Rordorf Berhtoldo de Zil Diepoldo de Luterach Cunrado de Voenenberg Hainrico de Razenriet militibus de fratribus vero de Salem fratre Hainrico quondam abbate in Isenina et fratre Eberhardo de Stekboron et aliis quam pluribus probis viris In cuius rei evidentiam presens instrumentum conscribi fecimus et sigillis nostris necnon sigillo Diepoldi de Luteras quo et Hainricus filius suus et filius nostre sororis sepe dictus utitur duximus roborandum Ego vero Hainricus de Luterach predicta omnia prout premissa sunt profiteor esse vera et per me ut narrata sunt fore facta et quia sigillum proprium non habeo usus sum sigillo patris mei in hoc facto