Charter Document - 04060033
| Charter Number: | 04060033 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1268 |
| Date type: | Internal, A.D., Papal |
| Resource Link(s): |
Monasterium.net |
Charter:
In nomine domini amen Ut quod agitur inter homines ipsis hominibus pereuntibus pariter non depereat cautum est illud scriptis memorialibus perennari Noverint igitur universi quodcum Waltherus miles et Eberhardus de Eilgov fratres advocatias in Mose an der Hvobe in Bechv in Diessilbach et in Bvobintal quas tenebant in feudum a nobilibus viris Friderico et Willehelmo fratribus itemque a Diethelmo et Friderico fratribus iunioribus comitibus de Toggenburg vendidissent monasterio de Maggenowe cum omnibus iuribus et utilitatibus suis pro certa pecunie quantitate comites prefati facta in manibus suis resignatione debita de ipsis advocatiis contulerunt et donaverunt eas cum omni iuris plenitudine prenominato monasterio de Maggenowe et personis ibidem domino famulantibus in perpetuum dante domino possidendas mittentes fratrem Bertholdum dictum Blaser conversum scilicet monasterii iamdicti nomine ac [vice] ipsius monasterii in corporalem ipsarum advocatiarum possessionem Actum et declaratum Constantie in curia domini Ber de Bussenanc canonici eccl[esie Constantiensis] anno domini MCCLXVIII III idus novembr indict XII pontificatus domini Clementis pape IIII anno IIII Presentibus venerab[ilibus dominis Eberhardo de]i gratia episcopo Constantiensi Ber abbate sancti Galli Hainr sancti Stephani et Lutholdo Episcopaliscelle prepositis Bertholdo t[hesaurario Constantiensi] item nobili viro Ber de Druhburg Walthero et Gozwino de Hohenvels fratribus Rvodolfo Gielone et Vol filio suo d[e Glatteburc Walthero de Lantsb]erg et H de Rinegge militibus et aliis quibusdam In cuius facti evidentiam et robur plenioris firmitatis me[morati domini episcopus et abbas et comite]s prenotati sigilla sua presenti scripto fecerunt appendi