Charter Document - 04060028
| Charter Number: | 04060028 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1268 |
| Date type: | Internal, A.D., Calendar, Papal |
| Resource Link(s): |
Monasterium.net |
Charter:
Bertholdus dei gratia abbas Ernestus decanus Rvomo custos totusque conventus monasterii sancti Galli omnibus presentem paginam inspecturis salutem in omnium salvatore cum noticia subscriptorum Ut donationes religiosis domibus facte perpetua firmitate nitantur expedit eas scripture munimine perennari Cum igitur nobilis vir Volricus de Guting[en] et Rvodolfus de Rorschach monasterii nostri ministerialis quasdam possessiones in Gvntring[en] scopozam videlicet quondam Wezzilonis scopozam pastoralis feudi scopozam an dim Wege scopozam dicti Rutmannis scopozam Leonis decimam quondam H comitis de Kiburg et curtile dicti Fvozis cum pertinentiis et iuribus suis a nostro monasterio antiquitus infeudatas a nobis in feudum tenuissent supplicarunt nobis cum multa precum instantia quatenus resignationem dicti feudi de quo numquam aliquam recepimus utilitatem in manibus nostris recipere dignaremur illud cum plenitudine iuris dilectis in Christo [] priorisse et conventui Vallis sancte Katherine prope oppidum Diessinhovin tenendum sub censu annuo conferentes Nos itaque provida deliberatione prehabita considerantes id deo gratum esse nec bonis quibuslibet displicere si bona huiusmodi a laicis possessa in usus personarum domino famulantium transire sineremus prescripta bona feudalia a feudatariis prenominatis in manibus nostris resignata [] priorisse et conventui supradictis donavimus possidenda in perpetuum sub annuo censu unius libre cere custodi monasterii nostri in festo sancti Galli annis singulis persolvende renuntiantes pro nobis et successoribus nostris voluntarie et expresse omnibus actionibus et exceptionibus per quas donatio nostra prescripta posset ab aliquo calumpniari aut aliquatenus irritari In quorum omnium evidentiam et testimonium presens scriptum sigillorum nostrorum appensione fecimus communiri Act in curia nostra apud sanctum Gallum anno domini MCCLXVIII VIII kl maii pontificatus domini Clementis pape IIII anno IIII Testes interfuerunt Waltherus et Burch prebendarii sancte Fidis item Egil Dietricus et Waltherus de Altstetin fratres Egil de Rorschach H de Hardegge Wer Boemus de Bernanc Nicholaus de Wiler C Omo H de Wartinse et Dietricus de Oberunmvli milites item Gerwigus dictus Blarrer et alii quam plures