Charter Document - 04060024
| Charter Number: | 04060024 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1267 |
| Date type: | Internal, A.D., Feast |
| Resource Link(s): |
Monasterium.net |
Charter:
Berctoldus dei gra[cia] abbas sancti Galli universis presencium inspectoribus inperpetuum Noverint quos nosse fuerit oportunum quod cum dilecti ministeriales ecclesie nostre Heinr miles et Ruedigerus frater suus dicti de Werdegga servo suo Arnoldo filio Heinrici dicto des Meisters sun de curte sua sita in Toggewile solvente annuatim ad tredecim frusta ante aliquot annos tantum concesserint in feodum unde idem servus percipiat annuatim quatuor modios tritici mensure Turicensis iidem fratres postmodum totam predicte curtis partem residuam de nostre permissionis auctoritate de libero etiam et expresso consensu Eberhardi militis fidelis dapiferi et ministerialis nostri ac filie sue Anne uxoris ipsius H cui uxori ab eodem H eadem curtis in donacionem propter nupcias que vulgo dicitur lipgedinge dicitur fuisse assignata dilectis in Christo preposito et capitulo ecclesie Thuricensis prepositure Constanciensis dyocesis pro decem et novem marcis argenti ponderis Turicensis cum omni iure quod ibidem habebant bona fide libere vendiderunt tradiderunt sine difficultate qualibet prebituri eisdem preposito et capitulo ac sue ecclesie warandiam de bonis predictis quandocumque et ubicumque utile fuerit et necesse Et in evidenciam huius vendicionis facte de nostra auctoritate presentem litteram ad peticionem predictorum fratrum de Werdegga et Anne uxoris ipsius H sigillo nostro fecimus patenter communiri Datum aput sanctum Gallum anno domini MCCLXVII crastino undecim milium virginum indictione undecima Nos prenominati fratres H et Ru de Werdegga et ego Anna uxor ipsius H premissa cognoscentes esse vera et pecuniam nobis modo debito persolutam presentem litteram eciam subscribendo sigillis predicti E et mei videlicet prefati Heinrici quibus ego Anna et ego Ruedigerus utimur cum proprium non habeamus patenter communimus anno domini et die et indictione prenotatis