Charter Document - 04060023

Rudolfus de Habispvrg et de Kibvrg comes lantgrauius Alsatie et Waltherus nobilis de Vatz universis Christi fidelibus presentem paginam inspecturis imperpetuum Iuste agitur et pie si ea que ad divinum officium et cultum a fidelibus rite et rationabilliter faciunt augmentandum a principibus et aliis cum summa diligentia ob honorem et reverentiam summi principis et patris nostri Iesu Christi et beatissimine virginis Marie studiosius promoventur Cum igitur [] priorissa et conventus sororum de Bollingen Constantiensis dyocesis ordini Premonstratensi annotate instinctu heu hostis antiqui Sathane a premisso ordine derelicte tanquam oves errabunda in perniciem animarum suarum pastore carerent cuius regimine ad ovile salubriter reducerentur ad animarum salutem gubernande eedemque priorissa et pars conventus de Bollingen videlicet Mechth de Hvniwiler Adilh vs dem Girvte et Anna et Adilh filie sue Adilh Lezina de Turego Gisela de Rinveldin et Agnesa filia sua Berchta dicta Rvmerin de Berchta filia quondam Rvodolfi ministri de Grveningen sorores use consilio saniori ad consilium religiosorum et aliorum proborum secundum intentionem et mentem puram et perfectam quondam Rvodolfi pie recordationis comitis de Raprehtswiler fundatoris dicte domus de Bollingen qui eis multa predia contulit in salutem anime sue suorumque parentum fideliter et feliciter consulendo inducendo frequentissime monendo ut se et sua beate dei genitrici Marie ad ordinem Cysterciensem [] abbatisse et conventus in Wurmispah que dicitur Cella sancte Marie pure cum summa sinceritate et perfecta caritate transferrent omnibus bonis suis mobilibus et immobilibus et se moventibus eidem ordini Cysterciensi et abbatisse et conventui de Wurmispah sine dolo et captione quiete et pacifice perpetualiter remansuris etiam si predicte sorores de Bollingen omnes vel pars earundem ordinem Cysterciensem et conventum predictum de Wurmispach nollent quod absit tollerare vel aliquatenus observare se ad ordinem Cysterciensem pecierint et obtinuerint recipi ab [] abbatissa et conventu prenotatis observatis omnibus que in talibus secundum ius statuta et consuetudinem ordinis Cysterciensis observari consueverunt Postmodumque eisdem sororibus ad ordinem Cysterciensem et domum predictam receptis domui [] abbatisse et conventui de Wurmispah et ordini Cysterciensi auctoritate nostra et consensu libero et expresso qui tutores legitimi et gubernatores Rvdolfi filii quondam R comitis prelibati sumus contulerunt bona sua videlicet locum de Bollingen infra muros cum omnibus ad dictum locum pertinentibus qui ad ipsos pleno iure dinoscitur pertinere quod possederunt hactenus pacifice et quiete item locum qui vulgariter dicitur daz Widergibirge cum fundo agris pratis dicto loco subiacentibus item locum qui dicitur daz Mos et quicquid habebant circa eundem locum item silvam suam que dicitur der walt ze Bollingen item vineam molendinum et aquam molendini et rivum prope Bollingen item bona prope oppidum Raprechtswiler que dicuntur ze der Gibreitvn item vineam in Hesilibach que est unum iuierum quam Johannes miles dictus Rvmer contulit eisdem item predium in Weningen quod quondam R minister de Grveningen accedente consensu domini sui Vol nobilis de Reginsperg filia sua recepta a sororibus in Bollingen contulit multis probis presentibus et honestis cum silvis pratis pascuis nemoribus cultis et incultis pacifice perpetualiter possidenda observatis conditionibus prelibatis videlicet quod bona premissa singula et universa abbatisse et conventui in Wurmispah qui pro tempore fuerit et ordini Cysterciensi debeant inperpetuum remanere si alique vel aliqua de predictis sororibus de Bollingen ordinem iam premissum noluerint quod absit vel renuerint observare Et ut premissa firma et illibata permaneant et perhenniter inconvulsa dicte sorores de Bollingen renunciaverunt voluntarie et spontanee in integrum restitutioni actioni exceptioni consuetudini edicto edito vel edendo privilegio impetrato vel inpetrando iudicis officio implorando omni favori legum et canonum et omnibus per que premisse donationes et ipsarum ad ordinem Cysterciensem translationes inpugnari possent seu aliquatenus revocari In cuius rei testimonium dicte sorores de Wurmispach et de Bollingen pecierunt et obtinuerunt presens instrumentum sigillorum nostrorum munimine roborari Acta sunt hec apud Wurmispach presentibus [] abbate sancti Vrbani Markwardo socio suo Petro de Lvzela Heinrico dicto Tobiler monachis Heinrico plebano in Bollingen sacerdotibus Chvonrado dicto Merzin Berchtoldo dicto de Goltpach conversis et Heinrico filio [] militis de Phafinah et aliis quam pluribus anno domini MCCLXVII VIII idus maii indictione decima Dat Turegi anno domini predicto V idus maii indict premissa presentibus magistro Vol dicto Wolfleipsh magistro Johanne de Nvhein canonicis Turicensibus Johanne rectore ecclesie in Swenningen Diethelmo de Windegge villico et [] de Bernegge militibus Chvonrado ministro de Windegge et [] abbatissa de Wurmispah cum Adilh de Agre sorore sua et aliis quam pluribus