Charter Document - 04060019

Noverint universi quod cum discordia esset inter illustrem virum R comitem de Habisburc lantgrauium Alsatie et illustrem dominam Margaretam comitissam de Kiburc super eis que iure nuptialis donationis et iure proprietatum ad se dicta domina dicebat pertinere tandem mediantibus viris honorabilibus videlicet domino Fr filio comitis de Phirreto Wal de Clingin nobili viro H de Clinginberc II preposito sancti Stephani in Constantia C de Tufin domino Hug de Palasuel et magistro Wer canonico Beronensi dicta discordia taliter est sopita quod dictus comes R promittit per iuramentum assignare dicte comitisse ducentas et quinquaginta marcas argenti annuatim percipiendas ab eadem et reditus omnes feodorum que dicta domina tenet in feodum a reverendis dominis dei gratia E Constantiensi episcopo et B abbate sancti Galli que integraliter dicta comitissa habeat et percipiat tot tempore vite sue Pro Ulis autem ducentis et quinquaginta marcis annuatim percipiendis ut supradictum est supradictus comes R supradicte comitisse concedit et assignat castra Baden Morsperc et Moseburc cum iurisdictione hominibus reditibus cursibus aquarum nemoribus pascuis terris cultis et incultis et omnibus iuribus et pertinentiis dictorum castrorum ita quod dicta castra cum suis pertinentiis de quibus proximo facta est mentio habeat pro valore legittimo quem hodie valent residuum vero dictarum ducentarum et quinquaginta marcarum quod in predictis castris et pertinentiis percipi non posset concedit idem comes percipiendum in rebus comitatus de Kiburc proximioribus dictis castris et circa Wintirtur Concedit insuper dictus comes R dicte comitisse quod de rebus ad dictam comitissam pertinentibus ratione proprietatis ubicumque sint possit testari et transmittere ad heredes suos etiam sine testamento Reliqua vero supradicta post decessum dicte comitisse ad dictum comitem R et suos heredes revertantur Item actum est quod quantum de proprietatibus dicte comitisse situm est vel continetur infra castra supradicta vel mandamenta eorundem vel alibi deducere possit dicta comitissa et salvum sit ei et precipuum ultra ea que sunt vel erunt sibi assignata ratione copositionis huiusmodi Qua deductione facta quidquid deerit de dictis ducentis et quinquaginta marcis debet ad dictum et arbitrium virorum venerabilium domini E Constantiensis episcopi et Ber abbatis sancti Galli H prepositi sancti Stephani in Constantia W de Clingin et C de Tufen nobilium ordinari Propter hec autem dictus comes per iuramentum promittit dicte comitisse quod eam defensabit custodiet et manutenebit tam in persona quam in rebus et possessionibus et contra omnem adversantem dicte comitisse se opponet totis viribus Promittit insuper eidem comitisse quod eandem pacietur utifrui dictis rebus pacifice et quiete et de suis proprietatibus testari et ordinare pro sue arbitrio voluntatis Promittunt nichilominus venerabiles domini E dei gratia Constantiensis episcopus et Ber abbas sancti Galli eidem comitisse fide data ad requisitionem dicti comitis R eandem comitissam custodire et conservare et defensare contra omnes tam in persona quam in rebus et possessionibus Propter que dicta comitissa quitat dictum comitem de omibus querelis et calumpniis quas habebat seu habere poterat contra comitem R supradictum et promittit eidem comiti quod eidem vel suis de dictis castris rebus et proprietatibus nulluni dampnum procurabit fieri aut consentiet facere cupienti Renunciant autem dicte partes per iuramentum in hoc facto ex certa scientia actioni et exceptioni doli metus et infactum et omni auxilio et beneficio tam iuri canonicis quam civilis et consuetudi quod sibi ad veniendum contra predicta vel aliquod predictorum posset competere modo aliquo vel prodesse Nos vero predicti comes R et Margareta comitissa E Constantiensis episcopus Ber abbas sancti Galli confitentes premissa omnia et singula esse vera necnon nos comes P Sabaudie qui omnibus predictis interfuimus sigilla nostra presentibus litteris apposuimus in testimonium veritatis Nos vero Ph comes Burgundie qui similiter cum predictis interfuimus quia proprium sigillum non habemus sigillo dicto domini P comitis Sabaudie fratris nostri karissimi usi sumus Testes dominus Fr de Phirreto comes Hug Montisfortis dominus Hug de Palasuel magister W de Burgo canonicus Lausanensis et alii quam plures Actum et datum prope Muratum in loco qui dicitur Loenber in festo nativitatis beate virginis Marie anno domini MCCLXVII