Charter Document - 04060018
| Charter Number: | 04060018 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1267 |
| Date type: | Internal, A.D., Calendar |
| Resource Link(s): |
Monasterium.net |
Charter:
Omnibus Christi fidelibus presentem cedulam inspecturis Rudolfus de Glatteburch senior noticiam subscriptorum Rerum gestarum sapere patet certitudinem ut ipse ad tollendam futuram calumpniandi materiam scripturarum et testium aminiculo perhennentur Noverint igitur universi tam posteri quam presentes quod eo advocaciam scupoze site in Vtwiler quam incolit dictus Obpreht de qua mihi IIII pulli et unus solidus denariorum annis singulis solvebantur dilectis in Christo magistre et conventui monasterii Munsterlingen ordinis sancti Augustini pro V libris denariorum monete Constantiensis pleno et libero iure quo et mihi eadem pertinuit de consensu omnium ac singulorum filiorum meorum scilicet Rudolfi Volrici et Hainrici vendidi tam pro me quam pro eisdem filiis meis sive heredibus nunc habitis vel habendis inposterum omni iurisdictioni que mihi vel eisdem in dietam advocatiam competebat vel competere posset decetero sine dolo et fraude qualibet renunciando In cuius testimonium et robur firmius prefatis magistre et conventui nomine dicti monasterii sui presens instrumentum contradidi sigilli mei in quo prenominati filii mei quoad certificandum pretaxatum contractum libere consenserunt robore communitum Acta sunt hec Constantie in stupa Hainr dicti Cingewos presentibus Joanne milite de Ruterberch iam dicto Hainr Cingewos Berchtoldo filio suo Hainr dicto de Tetikoffen civibus Constantiensibus dicto Richenwiler et dicto Cranger aliisque quam pluribus anno domini MCCLXVII VI feria post letare indictione X