Charter Document - 04060016
| Charter Number: | 04060016 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1266 |
| Date type: | Internal, A.D., Calendar |
| Resource Link(s): |
Monasterium.net |
Charter:
Omnibus Christi fidelibus quibus presentes exhibite fuerint E dei gratia episcopus Constantiensis et B abbas monasterii sancti Galli salutem in Iesu Christo Noverint universi et singuli presentium inspectores quod licet dilecti in Christo L prepositus S decanus totumque capitulum Aug[ustense] iniuriam eis in persona venerabilis patris H episcopi Aug[ustensis] per discretum virum S iuniorem de Mindelberch militem irrogatam ex eo quod idem cum suis complicibus eundem episcopum Aug[ustensem] non sine manuum iniectione violenta captivarat et captivatum aliquamdiu detinuerat castrumque suum in Strazberch hostiliter irruens incendio devastarat ad eiusdem episcopi supplicationem remiserint omnino et nullam super ea eidem militi querimoniam se moturos fideliter promiserint et quod prefatus episcopus Aug[ustensis] iniuriam remisit eandem testimonium perhibentes litteras capituli sui sigillo roboratas in eorundem evidentiam duxerint concedendas super hoc tamen per nos de prefati militis bona voluntate et consensu taliter extitit ordinatum quod idem prepositus decanus et capitulum ex hiis que premissa sunt si forte sepe dictus episcopus contra ea quocumque modo venerit aut per eosdem prepositum decanum et capitulum secus ex mandato apostolico vel cuiuslibet superioris factum fuerit in nullo eidem militi teneantur nec sint sibi vel aliquatenus esse debeant ad quiequam obligati presertim cum memorati prepositus decanus et capitulum hoc ipsum fuerint coram nobis sicut confitemur publice protestati et predictas litteras suas super hoc sub ea tantummodo conditione duxerint concedendas Dat Aug[uste] anno domini MCCLXVI VIIII kal novemb