Charter Document - 04060008
| Charter Number: | 04060008 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1266 |
| Date type: | Internal, A.D., Papal |
| Resource Link(s): |
Monasterium.net |
Charter:
Omnibus presentem paginam inspecturis ego Waltherus de Lantsberg miles notum esse volo sub testimonio veritatis quod ego vendidi pro certa pecunie summa sororibus de Tennikon mansum qui dicitur dv Vssirhvbe et mansum quem Hermannus miles de Burrevelt et uxor sua tenebant a me in feudum sitos in ipso loco Tennikon et resignavi eosdem mansus in manus reverendi domini Ber abbatis sancti Galli cum omni iure mihi in ipsis competenti ut eos prefatis sororibus concederet et assignaret in perpetuum possidendos renuntians voluntarie et expresse omni actioni seu exceptioni pro me et meis heredibus per quas prescripta venditio rite facta a me ipso vel ullo heredum meorum posset inposterum impugnari vel aliquatenus irritari In cuius rei evidentiam et robur firmitatis infallibil[is] presentem cartam sigilli mei robore communivi Act in oppido Wile anno domini MCCLXVI II idus febr indict VIIII pontificatus domini Clementis pape IIII anno secundo Testes rogati interfuerunt Eber dapifer de Bichilnse Heinr et Conr fratres de Geizberg milites Ortwinus rector ecclesie de Nidernburon Rvoprehtus dapifer de Tannenvels Rvoprehtus de Junging[en] Conr de Lindinberg Waltherus et Heinr fratres de Bunishovin Johannes de Moriswanc Wernherus de Mose Fr scultetus de Wile et alii multi