Charter Document - 04060006
| Charter Number: | 04060006 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1266 |
| Date type: | Internal, A.D., Calendar, Papal, Abbot-Prior |
| Resource Link(s): |
Monasterium.net |
Charter:
In nomine domini amen Quotiens opus agitur pietatis dignum est scripturis id memorialibus roborari ut et quod factum est stabile perseveret aliique ad virtutem exemplo simili provocentur Quapropter noverint universi presentes et posteri quod sicut venerabilis in Christo dominus Ber dei gratia sancti Galli abbas religioso conventui sororum in Tennikon ad ampliandam religionem et divini servitii cultum olim indulsit et licentiavit requisito super hoc et habito voluntario et expresso consensu totius conventus monasterii sui ut de possessionibus predialibus sive feudalibus ministerialium aut vassallorum ipsius monasterii ad ipsum monasterium pertinentibus possent recipere licite titulo emptionis donationis elemosine seu permutationis possessiones seu bona cum suis redditibus sive proventibus ad valorem tantum decem marcarum argenti annuatim ad ius et utilitates proprias et sub annuo censu competenti perpetuo possidere prout in instrumento super hoc confecto plene continetur et expresse Ita nunc per dei gratiam eedem sorores confitentur se adeptas esse redditus earundem X marcarum et insuper trium solidorum monete Constantiensis super quibus etiam licite obtinendis novum consensum predictorum domini abbatis et conventus impetraverunt Sunt autem hec bona prenominatas X marcas solventia in Tennikon curia an dir Wise mansus dictus Hasilershvobe curia empta a dominis de Lantsberg mansus qui fuit Hermanni de Burrevelt militis mansus exterior et bonum in Heitirshovin de quibus utique bonis sorores memorate quatuor libras cere ponderis sancti Galli nomine census ipsi monasterio in recognitionem originalis respectus annis singulis in festo sancti Galli persolvere tenebuntur In quorum omnium evidentiam et robur firmitatis perpetue dominus abbas et conventus supradicti presens instrumentum sigillorum suorum fecerunt munimine roborari Dat apud sanctum Gallum anno domini MCCLXVI X kl april indict VIIII pontificatus domini Clementis pape IIII anno II regiminis vero domini Bertholdi abbatis anno XXII