Charter Document - 04060004
| Charter Number: | 04060004 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1266 |
| Date type: | Internal, A.D., Calendar, Papal |
| Resource Link(s): |
Monasterium.net |
Charter:
Ber dei gratia sancti Galli abbas Ernestus decanus Rumo custos totusque conventus monasterii eiusdem ordinis sancti Benedicti Constantiensis diocesis universis Christi fidelibus presentis pagine inspectoribus salutem cum noticia subscriptorum Cum is gradu ceteros antecedat quem longiora stipendia pre ceteris faciunt anteire nos pensatis gratis obsequiis nobis et nostris a discreto viro Bertoldo de Dielsdorf canonico Episcopaliscelle sepius exhibitis et impensis provida habita deliberatione eidem Ber homini ecclesie nostre permittimus et speciali gratia indulgemus ut possessiones suas quascumque in bannis villarum Dielsdorf et Sunnikon sitas cuicumque voluerit dare vendere possit et alienare quocumque titulo alienationis hac adiecta conditione quod quicumque easdem possessiones ab eodem Ber emerit seu monasterium cui ipsas donaverit duas libras cere singulis annis in festo sancti Galli monasterio nostro de dictis possessionibus census nomine in signum dominii representet ratam et gratam habentes alienationem venditionem vel pignorum dationem si quam fecerit vel facere voluerit de possessionibus antedictis canonicus prenotatus renuntiantes ex nunc omni actioni nobis et monasterio nostro competenti seu competiture et cuique iuris auxilio civilis et canonici restitutioni in integrum ac generaliter omni defensioni nobis contra prefatam alienationem aliquatenus competiture In quorum omnium evidentiam et robur firmitatis perpetue presentem cartam sigillorum nostrorum appensione fecimus roborari Dat apud sanctum Gallum anno domini MCCLXVI non mart indict VIIII pontificatus domini Clementis pape IIII anno secundo