Charter Document - 04050432

In nomine sancte et individue trinitatis amen + Ego Kvonradus dei gratia Constanciensis ecclesie episcopus Ut negocia que rationabiliter fuerint tractata valeant ad posteros propagari poni debent in lingua testium et scripture memoria perennari Declaretur igitur tam presentibus quam post futuris omnibus bone voluntatis hominibus qualiter Hugo miles civis Constanciensis vulgo dictus de Bivnde dum iter sacre expeditionis ad liberandum sepulchrum domini ob amorem dei cum Friderico imperatore bone memorie quondam arripuisset mansum unum terre sue in Langinowe in pago Tvrgowe sito quam nomine predii inconcusse possederat monasterio sancti Johannis iuxta fluvium qui vocatur Turia sito pro remedio anime sue et parentum suorum in presencia domini sui comitis Diethalmi de Togginburch cuius ministerialis erat libero et sano consensu nullis reclamantibus docta verborum sollempnitate salubriter contradidit huiusmodi tamen forma pactionis concepta ut ipse Huogo et heredes sui qui de lumbis eius procrearentur eandem terram de manu abbatis eiusdem cenobii haberent et quinque solidos denariorum accepte monete pretaxato cenobio annuatim persolverent Si vero ipse Hugo absque liberis decederet eadem terra in usus prefati monasterii in integrum rediret Ordinavit etiam idem Hugo ut singulis annis dies anniversarii eius in prefato monasterio celebraretur Donacione autem illa celebrata primo tantum anno statutum censum persolvit sequentibus vero pluribus annis et censum neglexit et terram violenter retinuit Postmodum idem Hugo se recognoscens vidit quod iusticia pro sepe dicto claustro in hac parte astaret nostris se cum filiis suis obtulit conspectibus et ipse et filii sui violentam et iniustam eiusdem terre possessionem porrectis manibus et doctis verbis coram nobis publice resignarunt et ipsam scilicet possessionem fratribus memorati monasterii liberam et quietam restituerunt et eandem terram de manu Kvonradi sepe dicti monasterii abbatis pro annuo censu in priori donatione constituto in continenti susceperunt Cetera etiam que in eadem donatione pro ipso Hugone et filiis suis pro eadem terra ordinata fuerant inconcusse et inviolabiliter observanda sunt Acta sunt hec in aula episcopali Constant[iensi] anno dominice incarnationis MCCX indictione XIII anno decemnovenalis cycli XIIII epactis XXIII concurrentibus IIII C litera dominicali sexto idus aprilis presidentibus nobis presidente sedi apostolice Innocentio III anno apostolatus eius XIII regnante gloriosissimo Romanorum imperatore Ottone anno regni eius II imperii vero I nobis katedram Constanciensem gubernantibus anno electionis nostre II consecrationis vero I Ne autem tam racionabile negocium a perversorum calumnia in posterum valeat attemptari vel ullo modo infringi vel etiam ad futurorum noticiam per oblivionis caliginem impediatur transferri hanc paginam fecimus inde conscribi et sygilli nostri impressione communiri Si quis autem huic scripto in posterum ausu temerario contraire presumpserit in die districti examinis ab auditione mala pertimescat Testes qui aderant et hec viderant sunt hii Berhtoldus de Anniwilare Volricus de Thegirvelt Heinricus filius Livtfridi Constancienses canonici laici Heinricus quondam Constanciensis causidicus et filius suus Kvonradus et Marquardus Constanciensis causidicus Volricus de Schophe Heinricus filius filii Salme Anno pontomiarius Kvonradus et Volricus de Curia et plures alii tam clerici quam laici In domino feliciter amen