Charter Document - 04050430

Notum sit omnibus tam futuris quam presentibus quod comes Liutoldus de Reginsberc et filius suus eiusdem nominis predium quod prius s[ancte] Marie tradiderant rursus coram electo Constantiensi Chovnrado eadem ratione qua et prius confirmaverunt Sed quoniam commutatio capelle sancti Nicolai cum dote sua ac decimis predii prius facta multis displicuit talis tandem a prefato electo inter plebanum de Buschilche et prepositum prefati loci suosque fratres compositio facta est quod C predictus plebanus C abbate Fabariensi consentiente ac presente supradicto preposito suisque successoribus decimas iam memoratas per triennium a proxima nativitate s[ancte] Marie pro X maltris spelte vel avene vel pro X modus tritici concessit eo pacto ut si infra predictum tempus predium tantum grani persolvens infra unum miliare ab ecclesia iam dicta distans eidem ecclesie a sepius dicto preposito suisque fratribus traderetur ab omni decimatione in prefato predio in perpetuum absoluti permanerent Electus etiam Constantiensis super eisdem decimis in perpetuum resignavit ius suum ita videlicet ut prefatum predium cum omnibus appendiciis ab omni decimatione et episcoporum omnium impeticione semper immune persistat episcopi autem canonem sui accessus a plebano de Buschilche cui decimarum sufficiens compensatio facta est pro sua iusticia requirant Hec autem facta sunt anno MCCVIIII XVI kl maii in kaminata Turicensis prepositi Huius rei testes sunt prepositus Hugo sancti Stephani de Constantia domnus Rovdogerus de Retirshouin domnus Waltherus de Rotinleim dominus Ovlricus de Castil canonici Constantiensis ecclesie dominus Chovnradus de Tisintins dominus Hainricus plebanus de Schennins dominus Hermannus plebanus de Tuggin dominus Rovdolfus plebanus monasterii Turicensis ad sanctimoniales dominus Purchardus canonicus de Platea comes Liutoldus de Reginsberch et filius suus dominus Chovno de Tufin dominus Hainricus filius domini Ortlibi dominus Chovnradus de Hohinburch dominus Hainricus Chistelere