Charter Document - 04050428
| Charter Number: | 04050428 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1208 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus servus servorum dei dilectis filiis [] sancti Galli et [] de Salem abbatibus et [] plebano de Marpach Constantiensis diocesis salutem et apostolicam benedictionem Conquerentibus dilectis filiis Brigancien conventu nostris est auribus intimatum quod cum ecclesia de Brigantia pertinere ad ipsos immediate noscitur et pie memorie Celestinus papa predecessor noster per suas eis litteras duxerit concedendum ut in ea per tres ad minus de fratribus suis iuxta Lateranensis instituta concilii possent salva diocesani episcopi iustitia celebrare divina C diaconus Constantiensis diocesis per [] abbatem ipsorum qui demum suum recognovit errorem in preiudicium eorundem se fecit in ipsa violenter intrudi et ipsam detinet contra iustitiam occupatam super quo cum coram dilectis filiis [] abbate de Petridomo et coniudicibus suis ex delegatione nostra tractus misset in causam ipse causa subterfugii sedem apostolicam appellavit sed appellationem huiusmodi memorato conventu per suos nuntios prosequente prefatus diaconus legitime prosequi non curavit eandem Quocirca discretioni vestre per apostolica scripta mandamus quatinus diaconum ipsum ut memoratam ecclesiam cum fructibus inde perceptis restituat conquerentibus et in ea sine contradictione permittat secundum quod ab eodem predecessore nostro proponitur esse concessum divina celebrari per ipsos monitione premissa per censuram ecclesiasticam appellatione remota sicut iustum fuerit compellatis nullis litteris veritati et iustitie preiudicantibus a sede apostolica impetratis quod si non omnes hiis exequendis potueritis interesse duo vestrum ea nichilominus exequantur Dat Laterani III non martii pontificatus nostri anno undecimo