Charter Document - 04050422
| Charter Number: | 04050422 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | |
| Date: | 1191 |
| Date type: | Assigned |
| Resource Link(s): |
Monasterium.net |
Charter:
In nomine sancte et individue trinitatis Ego Diethelmus de Togginburch ob remedium anime mee sempiternum ac totius parentella mee tam precessorum quam succedentium curiam meam et ecclesiam in Buobinchon que iure proprietatis ex hereditate possederam cum omnibus pertinentiis suis intus et foris cultis et incultis ad hospitale transmarinum sancti Iohannis cum omni iure sicut habueram prorsus contuli ut pauperibus predicti xenodochii liberis pensionibus in eternum deserviat et nemo de successoribus meis aliquid usurpationis in hiis ammodo sibi assumat Ex omnibus autem ad predictam curtem vel ecclesiam pertinentibus dumtaxat filios Heriwici ac territorium ad construendam domum iuxta novellam ecclesiam mihi retinui hoc etiam expresse adiciens ut si quid de predictorum pertinentiis pro aliquorum beneficio iam tunc infeodatum fuerat decedente absque heredibus possessore iam amplius nec a me vel aliquo herede meo in nullius beneficium transferantur sed libere et absque omni exceptione ad eandem sanctam domum in eternum servitura revertantur Quicumque etiam ex nostris cuiuslibet conditionis de propriis suis mobilibus vel immobilibus eidem loco conferre voluerint absque retractatione iam liberam tribuimus potestatem Ut autem hec omnia rata et inviolabilia perpetuo consistant hanc paginam sigillo meo roborari precepi