Charter Document - 04050417
| Charter Number: | 04050417 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1187 |
| Date type: | Internal, A.D. |
| Resource Link(s): |
Monasterium.net |
Charter:
Dilectis in Christo sancte Maguntine ecclesie canonicis Odalricus cenobii sancti Galli abbas licet indignus una cum congregatione sibi commissa perpetue fraternitatis vinculum cum debita oratione Relatione antiquissimorum fratrum nostrorum percepimus hanc consuetudinem inter fratres sancte Maguntine ecclesie ac inter cenobitas sancti Galli hactenus extitisse quatinus perpetue fraternitatis vinculo coniuncti orationibus que tam pro vivis quam pro mortuiis utrobique celebrantur communicarent et si forte aliquem ex fratribus nostris pro aliqua honesta causa in predicto loco adesse contingeret plenarie unius fratris prebendam reciperet et eodem iure quilibet ex fratribus vestris adveniens similem caritatem inveniret Anno igitur ab incarnatione domini MCLIXXXVIII presidente domino Vrbano summo et universali pontifici regnante gloriosissimo imperatore Friderico venit ad cenobium sancti Galli orationis causa dominus et pater noster Cuonradus sancte Maguntine ecclesie venerabilis archiepiscopus et apostolice sedis legatus et nos ad peticionem conventus nostri presente amico et fratre nostro Heinrico conventus vestri prudenti decano necnon Vodalrico Constantiensi preposito ac eiusdem loci Vodalrico thesaurario plurimisque clericis suis ac militibus presentiam suam adhibentibus predictam consuetudinem confirmavimus sollempnique fraternitate a domino archiepiscopo recepta et econverso sibi totique Maguntino conventui a nobis transmissa litteris confirmationem hanc inscripsimus ac sigillo nostro quatinus deinceps firmitatem teneat insigniri decrevimus