Charter Document - 04050415
| Charter Number: | 04050415 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1179 |
| Date type: | Assigned |
| Resource Link(s): |
Monasterium.net |
Charter:
Cum in omnibus teneamur ecclesiis dei reverentiam exibere his tamen precipue honorem et statum iuris conservare debemus quarum curam et aministrationem et regimen suscepimus Quapropter in domino fili dilecte Guillielme sacerdos ego Ovdelricus abbas monasterii sancti Galli et ego Ovdelricus prepositus a parte totius capituli sancti Galli tuis iustis petitionibus annuentes tibi abbatiole Maxini iura fovere regere augmentare et dispensare illibata concedimus inperatorum siquidem donatione et summorum pontificum roboratione talibus est prefata abbatiola munita privilegiis quod nulli ipsorum tenetur in spiritualibus respondere set in omnibus ad abbatem monasterii beati Galli habet respectum Utpote in acceptione decimarum primitiarum crismatis et in offitio baptismatis celebrandi in publicis et privatis penitentiis exibendis in matrimoniis coniugendis et dirimendis et interdictionibus et excommunicationibus de promotione clericorum de ellectione eorundem et investitura prebendarum et de totius ecclesiastici iuris libera dispositione Omnium igitur horum exsecutionem tibi tuisque successoribus concedentes precepimus ut nulli unquam persone de supradictis respondere presumas set omnia ad honorem abbatis monasterii sancti Galli et totius capitulli atque ad onestam dispositionem tuam intemerata fideliter studeas conservare Actum Cumis in Christi nomine feliciter amen Ego Ovdalricus abbas sancti Galli a me facta subscripsi et confirmavi Ego Ovdalricus prepositus sancti Galli subscripsi et confirmavi Interfuerunt testes Hilteboldus de Steina Warnerius Crecius Cunradus Constantiensis episcopatus sacerdos Anselmus de Rezol Sozopel de Inter duos muros Monachus clericus de Derui Otto sacerdos Coriensis ecclesie dopnus Ylarius de Besuzo Lafranchus de Puzobonello Rolandinus de sancta Eufimia Ego Vodalricus magister capellanus abbatis sancti Galli dictavi et subscripsi Ego magister Ambroxius rogatus interfui et scripsi