Charter Document - 04050406

Adrianus episcopus servus servorum dei dilectis filiis Adelberto preposito sancti Laurentii de Tingen eiusque fratribus tam presentibus quam futuris canonicam vitam professis in perpetuum + Religiosam vitam eligentibus apostolicum convenit adesse presidium ne forte cuiuslibet temeritatis incursus aut eos a proposito revocet aut robur quod absit sacre religionis infringat Quocirca dilecti in domino filii Alberte presbyter Bertolde et Vodalrice et Kelpfrat attendentes q[u]aliter amore supernorum accensi suscepto religionis habitu a venerabili fratre nostro Hermanno Constantiensi episcopo impetrastis ut in castro vestro de Tingen ecclesia edificaretur in qua [re]ligiosi fratres una vobiscum ad dei servitium ponerentur et tam personas vestras quam prefatum castrum ipsi ecclesie pio devotionis intuitu contulistis nos etiam id sancte recordationis [] Eugenii vestigiis inherentes auctoritate sedis apostolice co[nfi]rmamus et perpetuis temporibus hoc pietatis opus inconcussum et stabile permanere decernimus Et ideo dilec[ti in domino filii] Alb[erte] preposite ceterique fratres ibidem in nomine domini congregati vestris precibus annuentes ecclesiam ipsam [sub be]ati Petri et nostra protectione sususcip[imus et presentis scripti privilegio commu]nimus inprimis siquidem sta[tuentes] ut ordo canonicus qui secundum dei timorem et beati Augustini regulam in ipso loco auctore domino institu[tus esse di]noscitur perpetuis ibidem temporibus inviolabiliter observetur Preterea quascumque possessiones quecumque bona eadem ecclesia inpresentiarum iuste et canonice possidet aut [in futur]um concessione pontificum largitione regum vel principum oblatione fidelium seu aliis iustis modis prestante domino poteris adipisci firma vobis vestrisque successoribus et illibata permaneant In quibus hec propriis duximus exprimenda vocabulis Ecclesiam que vocatur Vselingen et curam ipsius cuius ecclesie etiam curam venerabilis frater noster Constantiensis episcopus pia devotione concessit ius quod habetis in villa que vocatur Amciswilare ius quod habetis apud villam que appellatur Matenhus et ius quod habetis in villa que nuncupatur Hagenouo et ius quod habetis in villa Williberc et in villa Truchtelincofen et in villa Elma et in villa Gutolsuilare Ad hec quoniam per advocatorum malitiam multa interdum ecclesie gravamina et molestias patiuntur constituimus ut decedente nobili viro Hartmanno comite de Wiburg quem vobis advocatum propria voluntate elegistis nullus ibi advocatus hereditario iure violentia seu astutia qualibet ordinetur nisi quem eiusdem loci prepositus qui pro tempore fuerit cum suorum fratrum assensu voluntate propria decreverint ordinandum Decernimus ergo ut nulli omnino hominum liceat prefatam ecclesiam temere perturbare aut eius possessiones auferre vel ablatas retinere minuere seu quibuslibet vexationibus fatigare sed illibata omnia et integra conservent[ur] eorum pro quorum gubernatione et sustentatione concessa s[u]nt usibus omnimodis profutura salva nimirum [sedis] apostolice auctoritate et diocesani episcopi canonica [ius]titia Si qua igitur in futurum ecclesiastica secularisve persona hanc nostre constitutionis paginam s[cie]ns contra eam temere venire temptaverit secundo tertiove commonita nisi presumptionem suam digna satisfactione correxerit potestatis honorisque sui dignit[at]e careat reamque se divino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu Christi aliena fiat atque in extremo examine districte ultioni subiaceat Cunctis autem eidem loco sua iura servantibus sit pax domini nostri Iesu Christi quatinus et hic fructum bone actionis percipiant et apud districtum iudicem premia eterne pacis inveniant Amen Amen Amen Ego Adrianus catholice ecclesie episcopus subscripsi + Ego Ymarus Tusculanus episcopus subscripsi + Ego Gregorius Sabin[ensis] episcopus subscripsi + Ego Guido presbyter cardinalis tituli sancti Grisogoni subscripsi + Ego Hvbaldus presbyter cardinalis tituli sancte Praxedis subscripsi + Ego Octauianus presbyter cardinalis tituli sancte Cecilie subscripsi + Ego Astaldus presbyter cardinalis tituli sancte Prisce subscripsi + Ego Johannes sanctorum Johannis et P presbyter cardinalis tituli Pamachii subscripsi + Ego Johannes presbyter cardmalis tituli sanctorum Siluestri et Martini subscripsi + Ego Rodulfus diaconus cardinalis sancte Lucie in Septasolis subscripsi + Ego Johannes diaconus cardinalis sanctorum Sergii et Bachi subscripsi +Ego Odo diaconus cardinalis sancti Nicholai in Carcere Tulliano subscripsi Dat Laterani per manum Rolandi sancte Romane ecclesie presbyteri cardinalis et cancellarii III kl aprilis indictione III incarnationis dominice anno MCLV pontificatus vero domni Adriani pape IIII anno I