Charter Document - 04050399
| Charter Number: | 04050399 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Renewal |
| Date: | 1145 |
| Date type: | Internal, A.D. |
| Resource Link(s): |
Monasterium.net |
Charter:
Anno ab incarnatione domini MCXLV contigit Frideloum Augensem abbatem pro renovanda fraternitate et pro cogitanda utriusque loci utilitate ad monasterium sancti Galli venisse Cum autem in prasentia ipsius et abbatis eiusdem loci Werinharii et utriusque monasterii fratrum conventio et unanimitas precum pro defunctis ab Waltone Augensi et Werdone sancti Galli abbate incepta et instituta legeretur et hec ipsis placeret ordine quo prius renovata et confirmata est placuit etiam ipsis non solum defunctorum consolationi sed etiam viventium utilitati aliqua per se ordinate disponere Communi itaque consilio constitutum est ut quotiescunque utriusque monasterii fratres ad utrum vis monasterium venirent annona consueta fratrum ipsis tribuatur Sancitum est etiam ut si quis predictorum monasteriorum frater inordinatus in gratia abbatis sui et fratrum offenderit et ad alterum locum devenerit et si de lapsu quo correptus fuerit emendationem promiserit et fecerit per ipsius loci abbatem aut seniores pro eo intercedentes loco suo et ordini restituatur