Charter Document - 04050391
| Charter Number: | 04050391 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1064 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et individue trinitatis Heinricus divina favente clementia rex + Notum sit omnibus Christi nostrique fidelibus tam futuris quam presentibus et sollers industria noverit qualiter nos precipue pro amore divino tum ob interventum ac peticionem magistri nostri dilecti Annonis Coloniensis archiepiscopi ministris ad cellam sancti Meginradi iure pertinentibus necnon ob devotam et continuam orationem Herimanni abbatis eiuisdem celle tale ius quale servientes ad abbatiam sancti Galli pertinentes visi sunt habere concessimus condonavimus ea videlicet ratione ut idem ministri prefatam legem et iusticiam perpetuo iure inviolabilem obtineant et ipse eorumque successores abbati illi qui inibi nunc preest eiusque successoribus debitum servicium debitamque fidelitatem semper exhibeant Et ut hec nostre concessionis auctoritas stabilis et inconvulsa omni aveo permaneat hanc cartam inde conscriptam manu propria ut infra videtur corroborantes sigilli nostri impressione iussimus insigniri + Signum domni Heinrici quarti regis + + Sigeehardus cancellarius vice Sigefridi archicancellarii recognovi + Data VII kl martii anno dominice incarnationis MLXIIII indictione II anno autem ordinationis domni Heinrici quarti regis VIIII regni vero VIII Actum Basilee feliciter amen