Charter Document - 04050382
| Charter Number: | 04050382 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1265 |
| Date type: | Internal, A.D. |
| Resource Link(s): |
Monasterium.net |
Charter:
Bertholdus dei gratia abbas sancti Galli universis Christi fidelibus presentium inspectoribus subscripte rei noticiam cum salute Humana labente memoria et crescente cupiditatis malicia expedit ea que geruntur ad obviandum litibus scripture testimonio perhennari Noverint igitur quos nosce fuerit oportunum quod cum dilecti nostri Waltherus de Lantsperch et Waltherus filius suus milites ministeriales ecclesie nostre curiam suam sitam in villa de Tennincon solventem annuatim triginta duos modios tritici mensue de Wila religiosis in Christo [] abbatisse et conventui monasterii de Tennincon Cysterciensis ordinis Constantiensis dyocesis cum omnibus iuribus et attinendis suis vendere intenderent nec id sine nostro consensu legitime perficere possent nobis humiliter supplicarunt quatenus predictam curiam cum pertinentiis suis videlicet domibus areis agris terris cultis incultis nemoribus virgultis pratis pascuis aqueductu et decursu aquarum et universis communitatibus omnique districtu seu quibuslibet bonis que ad premissam curiam spectare dinoscuntur de manibus ipsorum nobis resignatam prefatis religiosis qui eisdem scilicet Walthero et filio suo Walthero sexaginta marchas et amplius puri et legalis argenti ponderis Constantiensis pro predicta curia dederant conferre et donare dignaremur libere perpetuo possidendam Nos ipsorum precibus pium prebentes assensum prefatam curiam sicut premissum est ipso etiam Walthero milite iuniore patre suo defuncto cum nondum aliquos liberos habuerit nobis eandem curiam totaliter resignante supradictis religiosis de Tennincon ad petitionem eorundem donavimus et assignavimus cum omnibus suis iuribus sicut predictum est libere et quiete perpetuo possidendam et habendam Huius rei testes sunt magister Andreas de Willeberc Eberhardus dapifer de Bichelnse Cvonradus de Geisberc Burchardus et Cvonr fratres de Einwiler Hugo de Eshenze milites Volricus et Waltherus de Lovnberc Diethelmus de Mose H de Tvsnanc Eber de Loemeis Waltherus de Bvnishouen C de Cvria et alii fide digni In cuius rei testimonium presentem litteram sigilli nostri munimine roboramus Ego vero prenotatus Waltherus de Lantsperc omnia premissa ad meam petitionem profiteor esse facta et conscripta ac supradictum argentum mihi et pie recordationis patri meo Walthero fore integraliter persolutum Ad maiorem etiam cautelam presentium tenore me meosque heredes et universos successores meos obligo ad veram warandiam omnium premissorum sepefatis religiosis prestandam ubicumque ab ipsis fuerimus requisiti Ut autem premissa nullius cavillationis ingenio valeant irritari presenti littere sigillum meum cum sigillis predicti domini mei Ber dei gratia abbatis sancti Galli et Eber patruelis mei de Bichelnse dapiferi sancti Galli duxi firmiter apponendum Actum apud Wile anno domini MCCLXV mense aprili