Charter Document - 04050375
| Charter Number: | 04050375 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1264 |
| Date type: | Internal, Calendar, Papal |
| Resource Link(s): |
Monasterium.net |
Charter:
[] abbati sancti Galli Constantiensis diocesis Constitutus in presentia nostra dilectus filius nobilis vir Bertholdus filius quondam Bertholdi nobis pro se et fratribus suis humiliter supplicavit ut ecclesiam sancte Polagie de Roteuil Constantiensis diocesis in qua idem nobilis una cum eisdem fratribus se ius habere asserit patronatus dilecto filio Johanni Rainaldi de Clusura presbytero Reatin diocesis sibi devoto conferri de speciali gratia mandaremus Nos itaque ipsius nobilis supplicationibus inclinati discretioni tue per apostolica scripta mandamus quatinus ecclesiam ipsam si tibi constiterit quod dicti nobilis et fratres ius patronatus obtineant in eadem et vacat ad presens eidem presbytero dummodo sit ydoneus scientia et moribus aliquodque canonicum non obsistat per te vel per alium conferas et assignes ipsumque in illius ecclesie corporalem possessionem inducas et defendas inductum Non obstante si est aliquibus ab apostolica sede indultum quod interdici suspendi vel excommunicari non possint per litteras apostolicas que de indulto huiusmodi plenam et expressam non fecerint mentionem sive qualibet alia indulgentia sedis eiusdem de qua cuiusque toto tenore oporteat in nostris litteris plenam et expressam mentionem fieri et per quam effectus presentium impediri valeat vel differri Contra[dictores] [] usque compescendo Proviso quod idem presbyter in eadem ecclesia faciat residentiam personalem alioquin huiusmodi gratia [] usque momenti Dat apud Vrbemueterem II non iulii anno tertio