Charter Document - 04050372
| Charter Number: | 04050372 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1264 |
| Date type: | Internal, Calendar, Papal |
| Resource Link(s): |
Monasterium.net |
Charter:
Urbanus episcopus servus servorum dei dilecto filio [] abbati deWetingen Cistertiensis ordinis Constantiensis diocesis salutem et apostolicam benedictionem Sua nobis dilecte in Christo filie [] abbatissa et conventus monasterii de Bollingin Cistertiensis ordinis Constantiensis diocesis petitione monstrarunt quod licet ipse tunc de novo incorporate dicto Cistertiensi ordini tibique filiali subiectione auctoritate apostolica commisse fuissent tamen [] abbatis et conventus monasterii de Ruthi Premonstratensis ordinis suasionibus inducte relicto proprio eiusdem Premonstratensis ordinis habitum et observantias assumpserunt de facto tua non petita licentia nec obtenta et tandem considerantes quod in sie assumpto ordine non poterant salva conscientia remanere ad prioris ordinis observantias redierunt Quare ipse nobis humiliter supplicarunt ut ne predictorum occasione tuo paterno fraudentur affectu providere super hoc eis de benignitate solita curaremus Quocirca discretioni tue per apostolica scripta mandamus quatinus si est ita easdem abbatissam et conventum visites oportunis temporibus ipsasque regularibus instruas disciplinis sine iuris preiudicio alieni Dat apud Vrbemueterem II non iunii pontificatus nostri anno tertio