Charter Document - 04050363
| Charter Number: | 04050363 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1263 |
| Date type: | Internal, A.D., Calendar |
| Resource Link(s): |
Monasterium.net |
Charter:
Bertholdus dei gratia abbas Ernestus decanus Rvomo custos totusque conventus monasterii sancti Galli dilectis in Christo [] priorisse et conventui sororum in Prato salutem et perseverantem in dei obsequio voluntatem Licet res ecclesiasticas alienari non liceat non tamen prohibitum intelligitur res huiusmodi que a laicis detinentur ad usum ecclesiasticum revocare Quapropter volentes vobis licitum non denegare subsidium decimam in Ranwiler quam Volricus dictus de Ranwiler laicus ab ecclesia nostra tenens in feudum vobis pro certa pecunie summa vendidit ad manus nostras resignatam ab ipso et omnino liberam resumentes vobis qui nunc superestis posterisque vestris intuitu religionis et ut divini nominis cultus apud vos augeri possit in nomine concedimus domini nostri Iesu Christi sub prestatione annui census dimidie libre cere assignande custodi monasterii nostri singulis annis in festo sancti Galli perpetualiter possidendam renuntiantes in huiusmodi concessionis contractu omni auxilio iuris canonici et civilis et generaliter omnibus actionibus per quas ipsa concessio calumpniari posset aliquatenus vel cassari In evidentiam rei geste ac pro robore firmitatis perpetue presentem cartam nichilominus vobis dantes sigillorum nostrorum appensione munitam Act apud sanctum Gallum anno dominice incarnationis millesimo ducentesimo sexagesimo tertio IIII kl mart indict VI