Charter Document - 04050348

Urbanus episcopus servus servorum dei dilectis in Christo filiabus abbatisse monasterii de Cella sancte Marie eiusque sororibus tam presentibus quam futuris regularem vitam professis in perpetuum + Religiosam vitam eligentibus apostolicum convenit adesse presidium ne forte cuiuslibet temeritatis incursus aut eas a proposito revocet aut robur quod absit sacre religionis enervet Ea propter dilecte in Christo filie vestris iustis postulationibus clementer annuimus et monasterium sancte dei genitricis et virginis Marie de Cella sancte Marie Constantiensis diocesis in quo divino estis obsequio mancipate sub beati Petri et nostra protectione suscipimus et presentis scripti privilegio communimus In primis siquidem statuentes ut ordo monasticus qui secundum deum et beati Benedicti regulam atque institutionem Cisterciensium fratrum a vobis post concilium generale susceptam in eodem monasterio institutus esse dinoscitur perpetuis ibidem temporibus inviolabiliter observetur Preterea quascumque possessiones quecumque bona idem monasterium impresentiarum iuste ac canonice possidet aut in futurum concessione pontificum largitione regum vel principum oblatione fidelium seu aliis iustis modis prestante domino poterit adipisci firma vobis et eis que vobis successerint et illibata permaneant In quibus hec propriis duximus exprimenda vocabulis locum ipsum in quo prefatum monasterium situm est cum omnibus pertinentiis suis possessiones quas habetis in villa que Wurisbacha vulgariter nominatur possessiones quas habetis in parrochia ecclesie Turicensis possessiones quas habetis in villis Kilperc Stalicon et Scuhnaho vulgariter nominatis cum terris pratis vineis nemoribus usuagiis et pascuis in bosco et plano in aquis et molendinis in viis et semitis et omnibus aliis libertatibus et inmunitatibus suis Sane novalium vestrorum que propriis sumptibus colitis de quibus aliquibus hactenus non percepit sive de ortis virgultis et piscationibus vestris seu de vestrorum animalium nutrimentis nullus a vobis decimas exigere vel extorquere presumat Liceat quoque vobis personas liberas et absolutas e seculo fugientes ad conversionem recipere et eas absque contradictione aliqua retinere Prohibemus insuper ut nulli sororum vestrarum post factam in monasterio vestro possessionem fas sit sine abbatisse sue licentia de eodem loco discedere Discedentem vero absque communium litterarum vestrarum cautione nullus audeat retinere Illud districtius inhibentes ne terras seu quodlibet benefitium ecclesie vestre collatum liceat alicui personaliter dari seu alio modo alienari absque consensu totius capituli vel maioris aut sanioris partis ipsius Sique vero donationes aut alienationes aliter quam dictum est facte fuerint eas irritas esse censemus Insuper autem auctoritate apostolica inhibemus ut nullus episcopus vel quelibet alia persona ad sinodos vel conventus forenses vos ire vel iuditio seculari de vestra propria substantia vel possessionibus vestris subiacere compellat nec ad domos vestras causa ordines celebrandi causas tractandi vel aliquos conventus publicos convocandi venire presumat nec regularem electionem abbatisse vestre impediat aut de instituenda vel removenda ea que pro tempore fuerit contra statuta Cisterciensis ordinis se aliquatenus intromittat Pro consecrationibus vero altarium vel ecclesiarum sive pro oleo sancto vel quolibet ecclesiastico sacramento nullus a vobis sub obtentu consuetudinis vel alio modo quicquam valeat extorquere sed hec omnia gratis vobis episcopus diocesanus impendat alioquin liceat vobis quemcumque malueritis catholicum adire antistitem gratiam et communionem apostolice sedis habentem qui nostra fretus auctoritate vobis quod postulatur impendat Quod si sedes diocesani episcopi forte vacaverit interim omnia ecclesiastica sacramenta a vicinis episcopis accipere libere et absque contradictione possitis sic tamen ut ex hoc in posterum proprio episcopo nullum preiuditium generetur Quia vero interdum proprii episcopi copiam non habetis si quem episcopum Romane sedis ut diximus gratiam et communionem habentem et de quo plenam notitiam habeatis per vos transire contigerit ab eo benedictiones monialium vasorum et vestium et consecrationes altarium auctoritate sedis apostolice recipere valeatis Porro si episcopi vel alii ecclesiarum rectores in monasterium vestrum vel personas inibi constitutas suspensionis excommunicationis vel interdicti sententiam promulgaverint sive etiam in mercenarios vestros pro eo quod decimas sicut dictum est non persolvitis sive aliqua occasione eorum que ab apostolica benignitate vobis indulta sunt seu benefactores vestros pro eo quod vobis aliqua benefitia vel obsequia ex caritate prestiterint vel ad laborandum advenerint in illis diebus in quibus vos laboratis et alii feriantur eandem sententiam protulerint ipsam tamquam contra apostolice sedis indulta prolatam decernimus irritandam Nec littere ille firmitatem habeant quas tacito nomine Cisterciensis ordinis et contra indulta apostolicorum privilegiorum constiterit impetrari Preterea cum commune interdictum terre fuerit liceat vobis nichilominus in vestro monasterio exclusis excommunicatis et interdictis divina offitia celebrare Paci quoque et tranquilitati vestre paterna in posterum sollicitudine providere volentes auctoritate apostolica prohibemus ut infra clausuras locorum seu grangiarum vestrarum nullus rapinam seu furtum facere ignem apponere sanguinem fundere hominem temere capere vel interficere seu violentiam audeat exercere Preterea omnes libertates et immunitates a predecessoribus nostris Romanis pontificibus ordini vestro concessas necnon libertates et exemptiones secularium exactionum a regibus et principibus vel aliis fidelibus rationabiliter vobis indultas auctoritate apostolica confirmamus et presentis scripti privilegio communimus Decernimus ergo ut nulli omnino hominum liceat prefatum monasterium temere perturbare aut eius possessiones auferre vel ablata temere minuere seu quibuslibet vexationibus fatigare sed omnia integra conserventur earum pro quarum gubernatione ac sustentatione concessa sunt usibus omnimodis profutura salva sedis apostolice auctoritate Siqua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita nisi reatum suum congrua satisfactione correxerit potestatis honorisque sui careat dignitate reamque se divino iuditio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu Christi aliena fiat atque in extremo examine districte subiaceat ultioni Cunctis autem eidem loco sua iura servantibus sit pax domini nostri Iesu Christi quatinus et hic fructum bone actionis percipiant et apud districtum iudicem premia eterne pacis inveniant Amen amen amen Ego Urbanus catholice ecclesie episcopus subscripsi + Ego Odo Tusculanus episcopus subscripsi + Ego Stephanus Prenestinus episcopus subscripsi + Ego frater J tituli sancti Laurentii in Lucina presbyter cardinalis subscripsi + Ego frater Hugo tituli sancte Sabine presbyter cardinalis subscripsi + Ego Riccardus sancti Angeli diaconus cardinalis subscripsi + Ego Octauianus sancte Marie in via lata diaconus cardinalis subscripsi + Ego Johannes sancti Nicolai in Carcere Tulliano diaconus cardinalis subscripsi + Ego Ottobonus sancti Adriani diaconus cardinalis subscripsi + Ego Jacobus sancte Marie in Cosmydin diaconus cardinalis subscripsi + Ego Gottifridus sancti Georgii ad Velum Aureum diaconus cardinalis subscripsi + Ego Vbertus sancti Eustachii diaconus cardinalis subscripsi Dat Viterbii per manum magistri Jordani sancte Romane ecclesie notarii et vicecancellarii non marcii indictione V incarnationis dominice anno MCCLXI pontificatus vero donni + Urbani + pape quarti anno primo