Charter Document - 04050345
| Charter Number: | 04050345 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1262 |
| Date type: | Internal, A.D., Calendar, Papal |
| Resource Link(s): |
Monasterium.net |
Charter:
In nomine domini amen Nos Bertholdus dei gratia abbas Manegoldus decanus totusque conventus monasterii sancti Galli notum facimus tenore presentium universis quod nos ad devotam supplicationem Rvodolfi dicti Giel de Glatteburc militis ecclesie nostre ministerialis curiam dictam im Holze quam ipse ab ecclesia nostra iam dicta tenebat in feudum resignatam ab eodem et omnino liberam recepimus ad manus nostras eamque monasterio de Maggenowe Cistertiensis ordinis donavimus pleno iure sub annuo censu dimidie libre cere in perpetuum possidendam Quem utique censum abbatissa et conventus monasterii predicti singulis annis in festo sancti Galli nostro monasterio persolvere tenebuntur in recognitionem dominii dicte curie a monasterio nostro tracti Verum memoratus R miles provide attendens quod nostra interest indempnitati monasterii nostri precavere sollicitudine diligenti ne unde aliis proficimus inde nobis deficiamus obtinuit ab illustri viro comite Hartmanno de Kiburch seniore donari nobis et ecclesie nostre predium in Hivttewiler quod predictus miles ab eodem comite tenebat in feudum in recompensationem scilicet prefate curie im Holze apud nos in perpetuum permansurum ita tamen quod ipse miles nobis et ecclesie nostre de ipso predio in Hivttewiler pro iam dicta curia im Holze monasterio de Maggenowe a nobis ut predictum est tradita ius fidelitatis et homagii recognoscat Nec diffitemur quin predium a prefato comite nobis traditum maioris precii quam curia im Holze existat estimatione prehabita competenti Ut igitur ea que premissa sunt apud posteros robur obtineant firmitatis nos presentem conscribi cartam et sigillorum nostrorum abbatis scilicet et conventus appensione eam fecimus roborari dantes eam supradicto monasterio de Maggenowe in testimonium geste rei Testes etiam qui premissis interfuerunt sunt hii Otto rector ecclesie de Rumanshorn Rvodolfus nobilis de Guting[en] Egilolfus de Altstetin Burch et Conradus de Einwiler fratres Waltherus de Lindenberc milites item Conradus Rvodolfus et Volricus filii prefati Gielonis Waltherus de Altstetin Heinricus de Hertinberc Bertoldus Blaser Bertoldus de Lovbon et alii plures Act apud sanctum Gallum in superiori capella curie abbatis V kl febr anno domini MCCLXII indict V pontificatus domini Vrbani pape IIII anno primo