Charter Document - 04050340

In nomine domini nostri Iesu Christi amen Ego Heinricus nobilis vir miles de Kemtun omnibus Christi fidelibus salutem in domino Iesu Christo et noticiam rei geste Ne labantur cum tempore que geruntur in tempore litterarum debent ac testium memorie commendari Hinc est quod scire debent quos scire oportet quod ego vendidi cum bona voluntate matris mee [] predium quod contraxi a parentibus meis quod dicitur ze dem Wassere cum omni proprietatis iure cum hominibus et cum omnibus sive in pascuis sive in silvis et sine aliqua exactione monasterio sancti Johannis in Turtal et sanctis omnibus in eodem requiescentibus monasterio pro centum et XIIII marcis puri argenti et resignavi predictum predium cum hominibus et suis appendiciis in manus reverendi in Christo domini Vol abbatis predicti monasterii et super reliquias eiusdem monasterii sibi et omnibus suis successoribus et omnibus deo in eodem monasterio servientibus perpetualiter tenenda Et ut hec venditio et donatio a nullo valeat irritari presens scriptum sigilli mei munimine feci roborari Acta sunt hec anno domini MCCLXI indict IIII pridie kl augus die dominica B littera dominicali in castello quod dicitur Grvonigin presentibus hiis testibus dominus Fr comes de Toggenburch dominus Cvono nobilis miles de Tvfin dominus Waltherus nobilis miles de Hvnwiller dominus Hermannus nobilis miles de Bovnstetin dominus Bertoldus pincerna de Kyburch dominus Cvnradus de Stenimvr et filius suus dominus C milites dominus Hemannus miles de Bvrveldin dominus Fr miles de Hettelingin Vol scultetus de Grvnigin et Cvonradus frater suus et Rvodolfus minister domini L de Reginsberc Ego Rvodolfus rector ecclesie in Kalkerrvn interfui et hanc paginam scripsi et alii quam plures interfuerunt et viderunt