Charter Document - 04050331

Omnibus Christi fidelibus presentium inspectoribus [] prepositus et Adelhedis priorissa totusque conventus de Bollingin Premonstratensis ordinis Constantiensis dyocesis noticiam subscriptorum Noverint universi tam posteri quam presentes quod questio seu controversia que inter nos ex una et [] abbatissam suumque conventum de Wurmespach ex parte altera super tribus mansis videlicet in predicto loco Wurmespach et circumquaque sitis aliquamdiu vertebatur per reverendos in Christo [] de Capella et [] de Ruti abbates et fratrem Johannem gardianum fratremque Ottonem de ordine fratrum Minorum necnon per fratrem Chuonradum et fratrem Ottonem dictum Manezzen de ordine fratrum Predicatorum domuum Thuricensium atque per fratrem Volricum de Wezinchon domus hospitalis sancti Johannis de Buobinchon in quos tamquam in arbitros a partibus extitit compromissum super hoc predictorum dominorum abbatum accedente etiam voluntate per dictos arbitros taliter est sopita quod nos de unanimi consensu conventus sponte non coacte bona fide ac sine omni fraude utilitate propria inspecta omni controversie liti actioni et iuribus que in predictis tribus mansis et eorum pertinentiis super quibus contentio vertebatur nobis competebat vel competere videbatur pro quinquaginta marcis legalis argenti ponderis Thuricensis pro quibus sufficientem cautionem recepimus in manus predicte [] abbatisse nomine conventus sui et ipsius posteritatis pro nobis et omnibus nobis succedentibus in futurum libere renunciamus et omnia premissa ipsis alienando conferimus et resignamus omni etiam iuri canonico et civili quod nobis posset competere circa bona supradicta et beneficio restitutionis in integrum omni nostri ordinis privilegio huic facto qualitercumque obvianti constitutioni consuetudini editis et edendis et omnibus aliis occasione quorum restitutio nobis de bonis posset competere memoratis et factum huiusmodi retractari posset aliqualiter vel cassari renunciantes tenore presentium libere et expresse In testimonium autem omnium premissorum presentem litteram de nostro rogatu confectam et conscriptam tradimus prenominatis [] abbatisse et conventui sigillis venerabilis patris domini Eberhardi Constantiensis episcopi et domini nostri [] abbatis de Ruti [] gardiani fratrum Minorum [] prioris fratrum Predicatorum de Thurego illustri domini Rvodolfi comitis de Rapresswile et nostris videlicet [] prepositi et [] priorisse quibus nos conventus utimur in hac parte patenter communitam Testes qui interfuerunt hii sunt Arnoldus capellanus dicti comitis plebanus in Rapresswile Heinricus plebanus de Bollingin Johannes Ruomer Heinricus de Turri Albertus de Vrinkon Berctoldus villicus de Klatbrunnen Rvodolfus Ruselinus Heinricus de Augia milites Heinricus scultetus Volricus Stovri Chvonradus et Rvodolfus Eckol Chvonr Paganus Berctoldus de Ruozikon Rvodol de Hinderburch Rudolfus Huphano Volricus et Waltherus de Ottewile Heinricus Seltensprunch Lutoldus nauta Berctoldus et Heinricus filii sculteti de Rapresswile et alii quam plures Acta sunt hec in ecclesia Bollingin anno domini MCC sexagesimo IX kl novembris indictione quarta