Charter Document - 04050329
| Charter Number: | 04050329 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1260 |
| Date type: | Internal, A.D., Calendar |
| Resource Link(s): |
Monasterium.net |
Charter:
Universis Christi fidelibus hanc paginam inspecturis Eberhardus dei gratia episcopus Constantiensis habere noticiam subscriptorum cum salute Vita hominum instabilis ac memoria labilis monent gesta temporum perhennari serie litterarum Igitur presentes noverint et futuri quod reverenda in Christo Bertha abbatissa et conventus de Velpach Cysterciensis ordinis monasterio ipsius in Veltpach et dilectus in Christo Hainricus dictus de Clingenberc rector ecclesie in Hohenberc canonicus Constantiensis ecclesie dicte in Hohenberc invicem proficere cupientes inspecta hinc inde tam utilitate monasterii et conventus quam ecclesie memorate prefatus Hainricus decimas in curia Oggerswilar et in der Wildun Hvbe cum omnibus suis appendiciis tam minutas quam maiores et etiam novalium sique nunc vel processu temporis exculta fuerint ibidem que dicte ecclesie pertinebant vel pertinere videbantur cum omni iure memorate abbatisse et monasterio contulit antedictis liberaliter perpetuo possidendas facta sibi recompensatione per summam XX marcarum argenti puri ac legalis per quas idem Hainricus curtim in Rekinwillar a Wilhelmo de Mulhain qui eandem curtim a viro nobili Volrico de Clingen qui est advocatus apud Steine in feodum tenuerat ipse vero Volricus a venerabili domino Bertholdo abbate et conventu monasterii sancti Galli de eadem curti similiter fuerat infeodatus comparavit ac usibus ecclesie prefate in reconpensationem iam dictarum decimarum deputavit de qua rector ecclesie in Hohenberc seu plebanus qui pro tempore fuerit monasterio sancti Galli in signum dominii singulis annis unam libram cere in festo sancti Galli tenetur persolvere quocumque casu contingente nostro capituli nostri reverendi in Christo predicti abbatis nec non conventus monasterii sancti Galli Volrici de Clingenberc patroni et advocati eiusdem ecclesie ac aliorum quorum intererat consensu voluntate et consilio accedente fide nobis plenius facta a fide dignis quod huiusmodi permutatio tam monasterio abbatisse et conventui in Veltpach iam dictis quam ecclesie prenotate foret nunc et inposterum utilis et profutura Ut autem hec maneant firmiora presentem paginam sigilli nostri predicti domini abbatis sancti Galli capituli nostri nec non conventus sancti Galli ac etiam Hainrici de Clingenberg rectoris ecclesie supradicte Volrici etiam patroni et advocati eiusdem ecclesie et abbatisse et conventus in Veltpach munimine procuravimus communiri Acta sunt hec in Constantia anno domini MCCLXIII nonas octobris indictione III